黨台
【COLLAR不入女新人之謎】
記者追問入圍名單上似甚少新晉歌手,李錦明指:「唔係呀,今日你都見到好多,就算Lolly Talk都係我哋候選歌手嚟㗎,雖然佢係新人,但佢都有候選金曲同候選歌手(編按:應是「最有前途女新人獎」提名)。」反而同屬新人的 #COLLAR 卻未入圍新人獎,李錦明解釋是「不符合港台選舉機制」:「因為佢出歌嘅時候唔係喺我哋嘅提名期。」又指需要有唱片公司提名各方面,「同埋佢哋作品推出嘅日期,係幾樣嘢夾埋,所以喺我哋嘅提名期裏面,佢哋係唔合乎我哋嘅選舉資格。佢哋應該係屬於舊年嘅新人,我哋嘅提名期。」
翻查資料,去屆香港金曲頒獎典禮,選舉期為2020年11月14日至2022年1月29日,COLLAR成軍第一首作品《Call My Name!》於2022年1月13日派台,並打入中文歌曲龍虎榜第三位,但COLLAR去屆未獲女新人提名;反而《Call My Name!》此歌卻打入本屆十大中文金曲候選名單之列,另一首是《OFF/ON》。本屆選舉期為2022年2月5日至2023年2月10日。
李錦明指COLLAR有其他提名名單,亦有其他專業獎項提名名單:「只不過你哋冇留意到。」問及林家謙是否也可入圍爭逐其他專業獎項?李錦明稱:「可以,如果佢合乎我哋選舉資格嘅嘢。」