是咁的,
早係半年前已經有個Idea,就係由於成日砌完既模型無地方擺。就算整個櫃擺,有土地問題之餘,又會比屋企人鬧。於是想開一個咁既地方比人可以平平地擺下摸型又有地方砌下吹下水。於是我就想整個咁既地方。
呢種鋪頭同普通模型店唔同,唔會賣模型(最多可能幫客訂下野),反而可以上黎坐下砌下模型噴下油吹下水。計劃緊賣埋野飲不過另外要羅牌有點煩
搵過巿場上無乜呢類型既鋪頭,所以不如試一試做下啦。
由搵到鋪頭到真係有客上黎睇,前前後後搞左半年,因為裝修乜乜柒柒都係得我一條友做,係有幾次叫朋友上黎幫我貼下牆紙拉下電,拉到總制都跳埋都試過。一條友日日將d強化玻璃搬上搬落咪咪撚話唔過癮。
鋪頭叫做搞掂,不過同我理想中有些少出入。但唔緊要既總要試下
鋪頭除左有櫃比人擺模型之外,仲有少少模型工具提供,有個噴油角同攝影角咁。
借AC,你問我盡答,雖然其實一開始又無咩好答