起一起底都知道~我曾經都開po分享過隻貓醫腹膜炎fip嘅過程~
由乜都唔識嘅新手,到做埋義工,面對唔同嘅病嘅經驗都有
亦由一開頭傻仔咁俾人食水勁深都要照幫襯,到自己慢慢搵到平靚正嘅俾貓用~
喺呢三四年嚟~啲經驗值就不停上升荷包都係幾何級咁付出買經驗,所以想話開個谷俾大家有個空間討論同問,唔洗好似我咁行咁多冤枉路!
動物其實都係唔識講嘢,表達唔到佢情況俾人知,醫生都係靠報告同臨床觀察再分析斷症,有好多人話獸醫唔得點點點咁,其實佢未必遇到過果個病症,亦因此唔識醫。亦因為香港落後,醫生好似人類家庭醫生咁,只係得啲大醫院先要分科,有時個醫生專長免疫系統,你去咗睇佢外科,咁實有分別佢只能瘋狂檢查搵客觀事實去俾可能性佢估咩事
再加上好多貓病,其實獸醫冇註冊藥物幫到你,佢只會話p係唯一出路,所以好多人會搵義工幫手,因為救得就會用盡方法搵出路,有時真係有路~
所以主人如果有效分析到你觀察嘅嘢,其實有事上嚟,真係會慳返好多冤枉錢同俾到更多時間隻貓爭取機會。
我自己嚟講,fip Parvo貓瘟 fiv 都有處理過,小病就唔使講了😂日常嚟,有興趣想知更多嘅歡迎入谷或direct TG我~識答一定答,幫到一定幫~