其實手機拍攝係咪已經好大程度咁取代左相機？

但普遍d 人po ig 好中意呢d 味精淺景深

有美顏呀媽自拍都靚靚就已經係最好嘅相機, 仲要即刻可以分享畀啲姨媽姑姐, 佢開心時我又唔駛煩用相機影完要過相要執相又要縮細檔案size先send畀呀媽, 直情要感激手機拍攝嘅偉大

手機係好大程度取代左相機，因為係必需品、人人都有、使用又方便、仲可以自動tune相、一般大眾唔需要學大約識得用，令到大家都唔會額外洗錢買相機

但係手機始終做唔到相機嗰種多重鏡片疊加嘅光學效果，只可以電子模擬出相機嘅效果，有物理限制，例如相機鏡頭可以Zoom in到好遠，手機鏡頭就好難做到。另外相機嘅sensor可以capture更加多細節/影.RAW檔，影完之後放入Lightroom之類嘅程式做後期tune到去自己鍾意嘅畫面/光暗

手機ai都好勁，日落時光陰反差唔大都處理得唔錯。
fb某大攝景group，好多人用相機影日落，執完出嚟個效果到炒晒車。

負10度以下d手機死曬，相機仲頂到

平心而論，話差唔多個啲，係你地冇要求
就算今日影得最靚既手機，就算同十年前出產既相機仍然比唔上

當然我講既係大機，唔係低階傻瓜機

如果你話3000蚊級別既傻瓜機，大致上同意係可以用手機取代

手機個dynamic range廢到
拉光暗位少少就爆晒光
已經講緊用iPhone 14 pro

你試下用電話打雀

手機影太陽無光點綠點同影到星星光圈再講

講黎講去都係感光元件大細差別 如果用呢個黎做標準，手機鏡頭永遠都無可能追上單反
事實上我覺得對於絕大多數人（非搵食人士）十年前單反一定無依家手機好用甚至「靚」，手機自從有演算修正，係低光環境影日常相片既優勢係單反望塵莫及，慳返換鏡、落腳、setting、執相時間，一拎出黎就影唔使煩

樓主邏輯係咪大飛好大程度取締貨輪？

手機影相最大問題係焦距短
影乜都係一塊平面咁 冇前冇後
根本就係Ultrawide鏡crop一格仔出黎
AI blur又blur得假

唔講Full frame 機
1吋sensor機仔影嘅相都好過iphone一截

純紀錄, 冇要求, 影下story用手機係ok
但對攝影有少少要求就唔得
手機拍攝只係取代到以前1/2.3" 個d zoom機仔

好正

對攝影零認知 但相機影相靚太多 完全無得比

咁你結婚相用iphone 影囉

因為sensor大細同鏡頭光學物理真係差好遠囉，樓上都有條youtube
電話既演算法，假景深，亂L咁黎既HDR我就接受唔到

理論上取代唔到
但係實際上大多數人要影相都係用手機
日常生活上
便利性>影像質素

其實係
因為方便同輕
大部分人無需求專業拍攝咪隨手拎出嚟影相打下卡
情況好似手機睇片取代電視
手機遊戲取代遊戲機

但手機綁死相機其實係為加價
點解啲新電話咁貴 就係貴係個無需求嘅鏡頭

如果想影靚相建議買部好相機
素質差好遠

家家有求, 出引戰PO 好無謂

電話zoom埋去真係好蒙
呢樣野同相機仲有差距

真而家6A係平價手機攝影王