[始終都要面對現實] Jimny電動版之可能性！Suzuki未來以電動車為主力！

Suzuki 剛發表了 5 門版 Jimny 後，似乎沒有停下來的，打算繼續讓這輛越野車持續進化，廠方近日透露 Jimny 極有可能推出純電版？

Suzuki 公布未來發展方向時表明，電動車會是主力部份，分別在 2023 年和 2024 年推出在日本和印度市場就會陸續推出 6 款電動車。日本市場大家應該是最關心，日本繼續以輕型車為主，Hustler 有機會推出純電版本，另外會有 2 款 SUV 車型。

而重點 Jimny 電動版，反而有可能在歐洲推出，而且更在 2024 年便會登場。但是會否登陸日本？在這次的發表會上則未有表明。

值得一提，Suzuki 打算連電單車也會電動車化，預料 2030 年推出多達 8 款全新電動電單車，首款電動電單車在 2024 年便會登場。對於電動電單車市場，Suzuki 信心滿滿能夠擁有 25% 銷售百分比。

就算日本車廠幾憎電動車都好，始終都敵唔過電動車嘅大洪流，日本車廠急起直追吧

用EV，不如造番413出來應該好好賣

反而想知5門版係咪純粹加長車身
係動力上無調整？

一樣動力

正，Jimny又係生成好適合做電車
個樣鍪得意，唔使俾d懶豪華嘅車稱霸市場

新一年個個轉軚，班油車撚唔知點面對好

對電單車有興趣
唔怪得突然話唔玩motogp

我都好想見到一架傳統越野車用EV drivetrain
行trail時成日stuck咗要等，油引擎唔郁idle又戇居又臭

雖然咁講，但係自己都係油車燃，油車絕種真係唔知點面對，自己會keep住現有嘅油車，不過最驚係油價加，或者政府惡意加油税，或者加油車牌税

真。越野車真係用黎行off road我唔敢講係咪可以轉電，舊電池咁鬼重仲要dun dun下唔知會唔會影響健康

我相信油車唔會真係死，有d領域始終夾硬換電效益都比較低。 不過更大機會係日用車城市車轉晒去電車，就算有繼續生產油車都係萬年唔更新淨係換下樣應酬下你

油車同電車會喺相當長時間上喺唔同地方併存，只有部份油車撚有被害妄想症覺得電車一普及所有油車都會即刻原地自爆咁

加油稅就真係有可能，都要睇下班政棍有幾想趕絕你。 佢一句以環保減排為名要增加你燒化石燃料嘅成本去迫你改變，即刻冇人出聲

舊電應該唔係問題，4xe, hummer 都冇事，不過未見民用review

個人感覺電offroad會好正，大扭力同唔洗idle已經贏，行水可能安全過油偈，除咗Overlanding 要range, 唔覺得有乜問題，jimmy 咁細㗎，都好少會overland. 自己都玩緊電爬雞

越野車真係唔識，留名學野

Jimny我其實當佢係看似越野車嘅玩具車

其實佢有冇真係越野能力？ 好奇想知

新嘅未試過，80年代嘅samurai 北美好多人當係寶

有box frame + 前後實軸Lee d人人offroad想要嘅裝備，改佢又平（最貴嘅必要品可以話係set ring & pinion)，最重要係佢輕同細架，用4條30吋呔可以去到好多大suv去唔到嘅地方，如果揸到去目的地就無敵