深夜限定心事台 (613)

準備好做魔法師

個個男仔帶你睇乜戲，我都要帶你去。
🤢🥳

same ah ching

唔知拍唔拍拖好

自從2021年同同居女友分手之後，就一直沉咗落去

到最近上年年頭，有朋友介紹過，
咁傾咗一排，想試下行出第一步，
佢生日我用咗3個月時間去畫咗幅佢嘅肖像畫俾佢
一句好靚好有心機就完咗。。。



我諗住認命，直至最近今年返工有個女仔都叫做啱傾

佢嗰陣仲單身。

有日約一齊行街見佢睇中頂帽，又唔捨得買。

過咗兩日我買咗俾佢，佢講咗句多謝就冇然後

到今日見佢IG，見佢同另外一個男仔好親密咁合照

自問自己正正常常，好努力去踏出每一步

最終得到嘅嘢都只係自己一個

都30歲，身邊個個都結婚有小朋友

而陪住自己嘅就只有部車

愛情呢樣嘢就算我唔強求，佢都唔會出現

好灰......真係好灰

付出太多感情，最終乜都冇......

車唔夠，買埋隻錶陪你。

要遇到大家都對對方有意思既真係好難

但師兄唔好放棄 終有一日呢個人會出現

我怕再受唔住下一次打擊，

我明明已經儲夠錢同ex 結婚

但佢最後都同另一個一齊而丟低我

已經冇哂生存意義。

直至今日，對呢個世界徹底死心........

當你單方面去努力付出既時候無諗過對方有無需要
然後單方面去怪責對方/世界 唔明點解付岀無回報
感覺你太容易去放大自己付出無視對方既諗法 覺得對方一定要對你有所回應
我唔知你ex點解要走
不過如果對果兩個女仔既付出就係打擊既話
最打擊你既係你既心態
我諗你宜家最需要既係冷靜落黎唔好急住話要去識另一半
你宜家咁樣就算拍拖對自己對人地都未必係好事
特別係你會因為拍唔到拖覺得無生存意義 我只會覺得你連自己都未照顧好 你又點照顧到其他人？

點解唔拍

我都想問

新加入有冇得吹水

由細到大我都係得右耳聽到野，睇過醫生仲要話得番八成左右，左耳就冇得搞，要飛機經過咁大聲先聽到。
其實都幾唔開心，成日都好想試下360度環迴立體聲聽野個感覺，可惜個天唔俾我，想同人講又唔想俾人知我得一邊耳聽到野，驚人地會歧視我

我讀書都有個同學要戴助聽器
佢都有份正常工同正常讀到書呀

覺得自己唔識拍拖 會害到佢

唔會喎 無原因要用有色眼鏡睇你
性格夠開朗一樣好多朋友 我都識過一個男同事用助聽器 佢日日都好開心咁又夠social 一樣咁受歡迎

係要啲時間沉澱下既
不過有時有啲野真係係你就係你 唔係你就唔係你
明白可能都想搵個新既黎忘記上一個
但可能唔係太順利
或者就唔好主動搵住 發展下興趣 再學下打扮之類
唔急既時候可能就自然吸引到人

組

Sad but true

醫生個時講助聽器對左耳冇乜用，戴左都剩係聽到好細聲

可能我仲有癲癇症，有時好驚突然間番工或者同朋友出緊街發作，發作期間仲有可能會大小便失禁，亦都試過，真係會覺得好瘀，會冇面見人，同事亦唔知會點睇我

呢個病仲要係中學畢業之後先有，當時有呢個病令到我個人更加頹廢，想揸車又唔得，有機會做公路炸彈，識我耐嘅朋友都知我一直想試下揸車，但無奈個天唔俾