好悶
睇晒所有東野圭吾嘅書,一直都係佢fans,但新書越來越差
由假面飯店系列開始hea寫,不過都叫睇得落,間中有幾本都算好睇
去到祈念之樹好失望,情節唔吸引之餘劇情完全估到
以為呢本回歸正統推理有啲睇頭,點知悶到喊
開頭懶係寫疫情對生活影響,又搞埋網上直播喪禮都已經膠膠地
女主角扭扭擰擰,男主角魔術師就懶聰明,眾人皆醉我獨醒
角色乞人憎都算,連劇情推進都悶,逐個關係人走去傾一大輪毫不緊湊
勉強捱左一半,竟然用幾頁紙介紹個遊戲背景故事
完全唔覺得有重要到要用咁多篇幅,定係想呃稿費?
飛住揭到結局,無驚喜只係慶幸捱完左一本書
而家東野出任何書都係一堆好評雄霸N個排行榜感動十四億人
只可以叫自己無期望就唔會咁失望