（樹窿） 即將分手 岩岩分手既你 入黎取下暖

咁有時空間係需要既，雖然我都諗緊唔同對方講自己去邊究竟係好定唔好，
因為始終都會有好多聯想，我對住我個個都係由心而發既開心，可惜佢有樣野好唔好，就係會單獨同異性出街，仲要幾親密

邊有咁易move on到
感情黎 時間先可以幫自己走出
我都係呢世咁愛一個人 我唯一希望就係帶比佢幸福
就算分左手 都希望佢可以開開心心 唔好再咁辛苦 唔好再傷心

有空間但都想佢會想主動提出陪下我🥲
咁如果你信得過佢就可以啦
同男仔frd總好過埋啲八婆推

我果個佢仲會撩前SP傾計 佢就話係frd
咁我都信佢唔係溝女...掛

多謝你 巴打
但自己都會沉澱下先 唔敢再拍拖 唔好傷害其他人
自己一個人享受下寂寞 消化下痛苦先

故事就係 我好愛一個人 打從開始我已經當左佢係將會陪我行一生一世既人
但後尾佢發現自己投入唔到 我知道佢宜加都好辛苦 但我無能為力
如果可以揀 我會選擇承受曬所有痛楚 可以等佢開開心心咁過

我只可以講 係佢未準備好
可能係佢心目中你都好好 但有時心態會令一個人去回顧過去
未必係你問題 而係過往既感情佢需要時間消化
起碼你地都仲可以一齊 起碼你仲有機會等到佢
但我會同你講 唔會係短時間 你睇下覺得值唔值

陷入係迷惘既人 唔係咁易走得出
要佢自己去正視問題 了解到其實過去已經無得再作改變 人要往前行既道理先得 trap係入面一定係好辛苦 一定係唔想面對 努力過都以為會走唔出 但其實唔係 努力完咪再努力 終有一日會行得返出黎 人總係失去左就會珍惜 之後失去埋現在同將來 惡性循環咁 希望佢可以成功走出 珍惜眼前人

記住 裝睡的人叫不醒 要靠佢自己打破個心魔同障礙
你好好 放心 係咁既情況你都未走 就知道你真係好愛佢

其實你個狀況同我講似 只不過我同佢已經分左手 我無得再陪住佢行出困境

兩條路都難行 睇你覺得佢係唔係一個值得托付終身既人 其實我諗你都唔係好想去外國 好多擔憂 又好怕無埋段感情 岩唔岩？

你有無問過對方意見？ 如果佢支持你 我覺得都可以試下

我同你既情況都係一樣，被動，冇得揀，
SP上床用既啫，真係介意既，講出黎好啲，除非中意到冇底線

我都係最近分手，覺得有啲辛苦
係人地面對要扮堅強，好怕人地講男人老狗喊乜春
但真係好唔開心

每個人都總有優缺點 無可能全方面比得贏
或者咁講 你唔好介意 就算比贏左 佢都未必會唔諗佢個ex 咁比較黎做咩？

就算你好好 佢個ex對佢好差 好明顯無將來
佢個心結一日解唔開 一日都會係保持現況
唯一真係時間可以幫到佢
今日諗100次 半年後諗10次 一年後就唔會再諗 因為失去就會有憧憬/覺得可惜 一定係會咁放大自己既感情 覺得一世都唔會好 但時間會幫佢走返出黎

好似讀書咁 以前考試考得唔好 都以為自己將來一定死緊 搵唔到工 好無助 好埋怨自己點解唔努力讀好啲 點解會失手 覺得好對唔住屋企人同自己 個時都以為自己係世界上最慘個個 明明已經有努力 點解都係失敗

過左幾年啊 出到黎做野 都唔會再諗返點解個時唔讀好啲書 珍惜返眼前既工作 諗下轉咩工可以搵多啲 唔係咁嫁咩？ 有時幾個朋友一齊聚 諗返起以前唔讀書走去玩既日子 係會覺得可惜 但都已經可以一笑置之 唔會再因為當時既痛/失敗 影響到今日既自己

人既感情好易放到好大好大 但好多時都未必係事實黎 因為唔開心 就想成為世界上最唔開心既人 因為好痛 就會不斷略顧以往 用當刻既思念去遮蓋痛楚 但始終都要有正視既一日 比你同返佢一齊 佢唔改 將來你只會痛多次

佢支持你都係好事黎
好過佢一遇到問題就分手 呢啲涉及你將來既事 我作為外人都唔方便幫你做決定

如果真係決定留係香港 屋企人會唔會好唔開心/反對？

我有講啊屌
佢咪話以前係fwb左幾次
但依家個女仔都有男友 佢都有女朋友所以唔會
佢地係frd所以仲會聯絡
但我男友係同人講咩 有無掛住我？ 放假都唔約我？ 呢啲
佢聲稱佢地成班都係咁傾計

如果你男朋友表明支持你
而家人又咁想你過去既話
咁咪過去發展下

如果你話打算係個邊讀完書再長住
咁我諗放手會好啲 無理由long d 咁多年 兩個都好辛苦

價值觀唔同，咁你要諗清楚，一齊落去究竟你接唔接受到，或者佢會唔會為你改變，
佢肯坦白係好事，我個個直情好多hidden status,問就話唔俾空間佢

努力緊 無一日比自己喘息
呢排精神崩緊到 連續成個星期夜晚訓教都流汗流到醒 明明個人好凍 之後一晚醒幾次


點都好 絲打 你都要加油
記住愛惜自己 唔好再沉迷係傷痛之中