不如我都分享下自己既故事等分左手既人可以振作下啦
如果你地話你分手分得好痛苦,其實只不過係人生上只佔一件小事,時間耐左就會好翻好多架啦
係好耐好耐年前我中學都有一段好sweet 好sweet既愛情,基本上無人唔識我地。
但到最後既結果就係Longd既時候發現另一半有第三者。
個年我都係好傷心好傷心成年好似死屍咁,個個朋友都擔心我有抑鬱。
不過時間過咗其實睇翻都覺得幾無謂,你問我愛唔愛其實我都係幾愛,不過可以點姐都唔會有齊翻架啦,然後就完咗一段四年感情。
到過咗排比我遇到一個可以動到我心既女仔,雖然佢對我唔係特別好,性格唔係特別好,但就係好多野都好似我。
即使一齊過程中有好多拗撬,但起碼雙方都有共識要好好珍惜呢段感情。
你問我邊個女仔我更中意,我想講係呢一個。
無論佢對我唔係特別好,但至少最後佢都係會有珍惜過。
不過有時人係會變,變既時候你都阻唔到啲咩。
但一個人變得唔想去珍惜,變得解釋都廢事既時候,你點傷心都係無用。
最後呢排我咪又完咗第段四年幾既感情。
你問我傷唔傷心,我都傷心架。
我都想聽人講「我知錯,好對唔住」,但人地唔願意行多一步,你又點解要浪費咁多心力係到等。
比時間沖洗自己既傷痛啦