想知影雀仔既朋友係中意大自然定炫耀器材

見到好多人post 雀仔相，有幾多人真心中意大自然同雀仔，定係為左炫耀自己器材同技術

真心中意
炫耀下

我諗大部分未必識啲雀鳥分類

返工咁辛苦，買D器材自己開心下而已。唔係想曬命，買到又用到黎影雀，有種滿足感。

以為講第D雀仔。。。。唔好意思打攪晒。。。。

好多上左年紀鍾意打雀 係因為影人無人 影景上山辛苦
係打雀可以消磨時間又有班志同道合 最重要係唔使咁辛苦孭器材

我感覺似大家係咁出新機同鏡去測試同影得鬥靚，而失去左享受大自然既過程

係香港好少見開個post 講今年見到啲咩雀仔個種，而係post 張鳥相講用咩器材

why not both

巴打你個名 係咪都想炫耀下

其他人唔知, 我識個長輩係真心鐘意
佢做同植物相關既 lab, 屋企好多植物同雀仔d百科大全
個個星期六日都同朋友去行山影雀
屋企自己整咗個NAS 4隻16TB影大自然啲相仲多個影屋企人

有時會去啲國外d昆蟲植物網站upload 啲相, 同埋tab啲物種名
試過有個外國人屌佢亂9咁tab
跟住佢又屌返人話有斑紋香港先有乜乜物物之類

又試過有個外國機構話咩影到好稀有, 問佢有無樣本
跟住佢又真係自費寄國際包裹send去比人

因人而異，我自己就純粹鐘意攞到個自己覺得靚嘅shot，同時間動物係個好有挑戰性嘅target，所以個過程我覺得好有趣。
我自己就對動物本身興趣有限，但要影得靚，總須要對個生態有一定理解，例如有啲雀會係飛之前叫，有啲雀你知佢會企好耐，可以落腳架去影。

雀好，動物好，景好，人物都好，全部都係題材嘅一種，乜都試下先會好玩。另外打雀都睇你用咩鏡，好多副廠tele zoom其實唔貴得去邊；炫耀技術嘅人可能有，但去到炫耀器材，我就好少見到有業餘攝影同好會真係玩最貴嗰幾支tele prime。

炫耀自己隻雀

啲人當左自己係國家地理攝影師

影真雀個班通常都係退休大把錢

但係影jerjer個種通常都iphone，貪單手方便

我住果度成日有蜂鳥，佢哋唔嚟擺陣我住咁耐都唔知有呢啲野。

我大部份都同意，但如果用長鏡打雀，其實真係幾重 ，我每次都係玩到幾個鐘就不舉

100-400可能會好好多，去到500-600嗰堆都要有返些少氣力

我細個都中意睇大自然，同買左好多植物動物圖鑑。
如果退休可以學你個長輩咁玩都幾正

可以學巴膠影巴士架
600個啲影一日可以當做gym

遲啲想試下影鐵路
要研究下咩角度影得好睇，又唔會俾車撞死

人地自己影下雀都要比樓主批鬥

無批鬥，我都好中意追科技野，唔知唔覺就比市場影響，買左啲超越左自己需要既野

好似顯卡會追4070，CPU 要I7 以上
而家啲相機 FF 入門級都好勁，唔係搵食都好難用到盡

你睇濕地 青衣公園 佢地都係落晒腳唔會幾辛苦
其實佢地咁都幾好 舒服先有心機影
所以youtuber只佩服阿零 下下兩三支腳+一堆機鏡上山 睇見辛苦

睇吓個人嘅衣著就知真係鍾意影大自然定係想曬器材。有次見有條友著住件曼聯紅嘅風褸打雀，屌你乜雀都俾你嚇走啦，真係影條毛咩

呢個問題要等攝台著名打雀廢老
烏鴉出嚟解答
佢每個星期日都拉車仔入米埔
帶盒燒味雙拼飯同兩支大生力
入米埔踎足8個鐘
都只係出得一兩張相
我諗佢都係為咗話比人知佢有支856巧威威