睇埋最新MV,我發覺JOY既潛力真係三隊中最強,宜家大部份成員既定位都清晰咗唔少
center:怜音,佢平均值的確算係最高,好多方面都唔足以入三甲,但又冇乜邊方面係最差果幾名,加上有空手道做吓宣傳,佢單馬尾有時都幾靚女
樣貌擔當:天野,愛弓,愛月,排名唔分前後,但勝在各具魅力,但點解天野會俾營運放係重心,邊個靚啲好主觀,亦唔係贏年齡輕,簡單而言,就係另外兩個平日太處於省電mode,性格同做事方式,仲有好多空間需要改善,但天野明顯心理上非常ready,性格上冇咁自閉,搵佢肩負起個重任都係好正確
舞蹈擔當:怜音,莉子,村山,第一首歌已經表達咗呢三個跳舞最可靠,跳舞同唱歌都係冇得呃人,一出手就知有冇料到
歌唱擔當:逢田,大西,村山,JOY裡面其實仲有幾個唱歌好聽既成員,包括愛弓,有睇過STU48就知佢把聲唱歌又係掂,但指原既女團,好似幾鍾意玩harmony咁去show自己既唱功,所以指原不單只要唱歌掂,仲需要嗌歌掂,即係港豬最唔鍾意而全世界都ok鍾意果種(繼續脫節啦港豬),所以就需要用上以上三位成員,論穩定就係逢田,但大西同村山果種每次辛辛苦苦就出事果種效果又好似幾得意(搞到自己好似有啲變態)
另一個全面成員,影子center:莉子,基本上怜音做到既野,佢都做到晒,而綜藝及MC能力可能更高,但營運選擇了怜音,這算是運氣吧,但見佢係MV既重要性一首比一首高,絕對係重點成員之一
真隊長:小澤,到宜家呢一刻,我都唔太清楚隊長係邊個,但個人覺得,現時最帶得起JOY既人,一定係小澤愛實,論MC力,隨時係最高,而佢亦都帶到好多之前做偶像既經驗俾其他成員,使佢地進步得好快,原本呢個位理應係愛弓做既,但指原之後應該發覺唔多對唔,呢條友係STU好似白活咁,加上性格問題,所以直接搵小澤黎加盟,呢個係我個人既推想
咁指原又會唔會放棄愛弓?當然唔會,佢就係知愛弓有佢既賣點,先至會咁去處理,最新MV已經睇到指原點樣用佢,盡量唔搵佢做主角,係啲用到既位至放佢落去,尤其是首歌既一前一後,最後既wink位,大配角等,反而第2part歌就冇用佢,但好正常,有時出外表演,如果冇得唱晒全首,係第2段有表現係等於廢,所以愛弓係JOY依然係重點成員,擺放佢行大谷同早耶路線更加係非常聰明,JOY係未來既表現的確值得期待!
而綜藝力方面,暫時未分到邊幾個特別強,其他冇乜提及既成員,因為留意得少,暫時冇乜睇法,當然唔代表佢地將來唔掂既,始終JOY都未有機會發力,所有成員都仲有好大既進步空間!