剛剛分手的你，入黎傾下，大家互相扶持好嗎？(239）

太gay

同女朋友拍咗差唔多五年，由中學到而家大學。尋晚佢好冷靜咁講分手，話佢已經冇好似一開始咁鍾意我，對我嘅愛已經磨蝕咗，呢一個月都喺度審視緊我哋嘅關係。因為我之前一直控制唔到情緒，嗌交嗰陣鬧得太甘，傷得佢太深。而且佢上莊、考final、寫paper嗰陣我又唔識體諒佢忙，畀唔到emotional support佢。佢話我哋冇可能再做伴侶但係可以做返朋友，再愛我即係唔愛自己，已經遷就我太多，忍得好攰，我嘅問題唔會改到。去到呢一刻我先意識到個問題有幾大，我真係做得好差，一直冇留意到日積月累嘅矛盾同埋佢嘅失望。我仲係好愛佢，以後會改，但係似乎已經唔會再有機會。約咗聽日當面傾，佢話而家當係冷靜期，但係叫我做好最壞嘅打算唔知挽唔挽回到

前晚仲plan緊旅行行程，尋晚有爭吵就變到咁當然我知係日積月累令佢忍無可忍，佢喺電話甚至話我哋冇可能再一齊，叫我學識放手，長痛不如短痛。但係五年真係好痛，我又係去到呢啲關頭先表達到我有幾着緊幾珍惜，真係好犯賤我問佢係咪唔會改變分手嘅諗法，佢話有啲嘢聽日當面先講我當面要點樣表達我嘅愛先令佢唔反感？道歉無數次都已經無補於事，我傷害咗佢就係傷害咗佢而且佢似乎已經唔會再畀機會我改

共勉之聽日結果如何我都會尊重佢嘅決定，最壞嘅打算就係暫時做返朋友先，等我改完變成更好嘅自己先再追返佢

你地有啲都叫好嚟好去
肯見最後一面 又肯講咩問題