剛剛分手的你，入黎傾下，大家互相扶持好嗎？(239）

歡迎大家加入
200. https://lihkg.com/thread/2793117
201. https://lihkg.com/thread/2819274
202. https://lihkg.com/thread/2850179
203. https://lihkg.com/thread/2862317
204. https://lihkg.com/thread/2864923
205. https://lihkg.com/thread/2870536
206. https://lihkg.com/thread/2874482
207. https://lihkg.com/thread/2881483
208. https://lihkg.com/thread/2885468
209. https://lihkg.com/thread/2901833
210. https://lihkg.com/thread/2927794
211. https://lihkg.com/thread/2948751
212. https://lihkg.com/thread/2959157
213. https://lihkg.com/thread/2965044
214. https://lihkg.com/thread/2968449
215. https://lihkg.com/thread/2978576
216. https://lihkg.com/thread/2989850
217. https://lihkg.com/thread/2992029
218. https://lihkg.com/thread/2993453
219. https://lihkg.com/thread/2995547
220. https://lihkg.com/thread/2998338
221. https://lihkg.com/thread/3006502
222. https://lihkg.com/thread/3011921
223. https://lihkg.com/thread/3018008
224. https://lihkg.com/thread/3021371
225. https://lihkg.com/thread/3031809
226. https://lihkg.com/thread/3039681
227. https://lihkg.com/thread/3054549
228. https://lihkg.com/thread/3062850
229. https://lihkg.com/thread/3070857
230. https://lihkg.com/thread/3077680
231. https://lihkg.com/thread/3087526
232. https://lihkg.com/thread/3095473
233. https://lihkg.com/thread/3104717
234. https://lihkg.com/thread/3117895
235. https://lihkg.com/thread/3147715
236. https://lihkg.com/thread/3178264
237. https://lihkg.com/thread/3225534
238. https://lihkg.com/thread/3238143
金句:
For 普通分手
分手之後，應該忘記就要忘記! 調整好自己既心情，讓自己早日得到解脫。
放低真係要完完全全去靠自己，時間係最好既方法。
咩承諾呀乜乜柒柒 當一個人唔再鐘意你 要同你分手既話，呢啲所有一切既野都係廢。
你都識講係你自己做得唔好啦 仲想人地番黎你身邊 害死人呀你
你咪當今次拍拖比你學到唔同既野囉 下次咪唔好重覆你上次拍拖個陣做既錯事囉

For 被出軌
唔明點解啲人要出軌
細水長流唔好咩，變左親人咁唔好咩
點解硬係要做一啲嘢黎傷害果個陪左你咁耐嘅人
新鮮感係會有，但知道開始有呢種感覺都好應該避忌啦
點解唔係去避忌
要一直玩火
有幾多人明白新鮮感總會淡 又有幾多人明白感情係要維繫而唔係一唔開心就換個第二個？
正所謂係鐘意佢嘅，又點會要佢傷心

仆街賤男心態
同你相處得唔舒服>得佢辛苦你做錯曬> 我可以去偷食 因為同錯人拍拖> 比你發現> 擺牌> 做好人放你走> 你值得搵更好既人> 我走啦88

散咗無曬動力
係時候要準備行出去感受番個世界
時間係最好既藥 發生左就係發生左
世界好大，你可以掛住佢 但同時可以慢慢企起身 去睇下外面原來有山有水有朋友有屋企人
佢都搵到方法move on了 你呢？
可以揀留守 等佢既 但首先你個世界要長期出太陽可以溫暖到佢吸引番佢入番你個世界
沉多幾日好啦 頂唔順上黎傾下計訓下教吸下正能量啦
太得閒可以去爬番1-238文 爬完你心情應該會分散左啲啲

仲有唔好成日諗點解佢唔想解決問題/點解佢都係唔覆我/點解我低曬頭佢都唔肯返轉頭
因為唔夠愛你

- 唔好問點解對方咁快放低，因為佢唔愛你了
- 唔好問點解自己仲未放低，因為放低需要時間，唔洗特別迫自己，掛住佢既就繼續掛，想睇佢啲野既就去睇，之後佢就會慢慢從你既生活消失㗎喇
- 唔好再諗以前點點點，所有野都已成過去，向前望好過啦
每個人都有自己既價值
記住記住 要好好生活落去

v仔金句:
1. 分手後，唔洗急住放低，慢慢就會好返。

2.同時間，亦都唔洗急住拍拖，唔好揾人做你水泡。

3.唔好放棄自己，唔食野唔返工都好，請努力生存。

4.想喊就喊，想揾朋友就揾，唔好驚煩到人，係你真心朋友既話點都會聽你講。

5.做啲令自己開心既野，食野煲劇訓教都好，總之要令自己忙啲。

6.唔好成日諗住以後會揾唔到好似ex既人，又講話以後唔敢識人呢啲說話，呢個post已經有唔少人出左pool，點解你唔得？

7.愛自己，愛自己，愛自己。

8.揾唔到人傾就上呢個post傾，實有人覆你，呢到基本上係24小時都有人覆你。(((無錯，呢到啲人唔洗訓

我愛香港 香港是我家

半年了仲未好返

打個卡先

今日已經係分開咗1個月08日了，CYK你要走就走啦我唔撚會再理你，再去挽留！我好後悔做咗咁多次嘗試去挽留嘅動作，我自問對你已經好好，所有最好嘅嘢我都會俾晒你，好遷就你，我有時係會發下脾氣但係你有冇諗過點解我會發脾氣？我從來都冇無理取鬧過，仲有即使件事唔係我錯我次次都會扮死狗氹返你，你有冇諗過係因為我愛你先會咁？你永遠就放大我發脾氣嘅點，話我話你，話我唔識珍惜你？其實我真係可以唔話你，由鳩你咁on9，由得你遲到，到時同Friend 出去、返工出到去俾人話。

仲有10月我哋只係見咗三日咁大把我都係想你陪多啲我，至少見多一兩日，一個月見4至5日唔呢個要求唔過分吧？偏偏你就成日話自己讀書壓力好大，好多野唔識所以要去溫書，ok我都算啦俾你溫，唔阻你，但係點解你有時間同啲同學去食、去玩、去打羽毛球都冇時間陪我見下我？仲有其實你有男朋友嘅，點解可以同個所謂嘅同學朋友咁多互動？又post人上ig，又係咁同人chat 仲一齊溫書。連我哋紀念日食飯嗰陣時你個話題都係佢，嗰陣時其實我好撚嬲完全唔撚想聽，唔撚想知，只不過我冇表達出嚟，我仲一直嘗試轉移話題算數。

我係咪太撚信你？男同女邊撚到有純友誼㗎咪撚玩啦。

其實唔識珍惜嘅人係你，3年感情話放就放話走就走，我所有承諾都記得，我都有去努力實行，你成日就身痛你有甲亢我都冇嫌棄過你仲去照顧你，仲有我有為我哋嘅將來去前進去付出但你呢？ 我知你思想係未成熟你覺得你23歲仲係好後生，但係我冇諗過你會咁唔識諗，所以其實而家你先係仆街同埋破壞呢段感情嘅人唔係我，分手嗰陣時你乜都話我錯乜都屈撚晒我，搞到我懷疑自己係咪真係咁撚錯，其實你真係好撚仆街。根本就係你自己有第二個 有Dickson溝緊你，其實明知有男朋友都要去搶嘅人都唔慌好得去邊啦，不過你哋兩個好撚襯呀，因為都係一樣咁撚仆街。

仲有其實我已經俾晒機會呢段感情、努力去維繫，努力去掙扎，俾晒機會你，但係始終都係敵不過新鮮感。

仲有我哋分開咗幾日你就同你嗰個所謂朋友男同學Dickson 單獨食飯係乜撚嘢玩法？你哋根本就一早plan好晒。我真係好撚後悔點解我要去求你唔好離開我，點解我要做到咁卑微咁柒，以後都唔撚好再見呀死八婆！

呢段嘢唔知你睇唔睇到啦 我唔會親自send俾你 我唔想再send嘢俾你 🤓

Agree，去到呢啲時候仲死纏爛打肉酸嘅只係自己，明白佢好想做，但另一方面其實可以形容為好自私咁唔理人感受

lm

中學一齊左兩年幾 因為我掛住同朋友放學打機 忽略咗佢 令佢孤單 所以有第三者
相隔6年後 2017年我有幸同返佢一齊 一齊返左6年 同居左5年 大家嘅生活變到好悶 但放工返黎見到大家都仲會有開心嘅

我個人好冇安全感 一齊返到而家 都仲會check佢手機 大家set左大家gps 佢係一個好就得我嘅人 咩都冇所謂
所以呢6年 我點check 點管佢 佢都ok

直到呢一兩個月 真係feel到佢淡左 上星期四 我攤開個問題黎傾 我好自私咁逼佢比答覆我 所以我即刻搬左出黎 佢有開口叫我唔好搬 好擔心我突然間冇地方住 當我屋企人咁關心我

直到今星期一 我忍唔住搵佢 佢都有講過想冬至我去同佢屋企人親戚食飯(每年都有去) 咁今日我就買左束花去接佢收工
一見到 佢都仲有啲開心 但後尾傾傾下就變成分手

佢同我講 其實佢一直唔鐘意比人check手機 甚至乎係好反感 一直唔鐘意比人管住
呢個星期佢發覺原來冇左我 都可以好好生活 照舊返工放工ot做嘢 係呢個星期入面 佢話佢醒覺左 發現原來自己一直啞忍左6年 講到好辛苦咁

我最後有問佢 可唔可以比次機會我地呢8年嘅感情 試下一齊返1個月？1個月後唔得 再真正分手 佢話 呢刻唔想住喇

好後悔一直以為好穩定 咩都hea
好後悔一直以為佢想比我管 比我check 覺得自己咁冇問題
好後悔個晚執嘢走 做得咁決絕 咁自私
我知道以後都搵唔返個咁match嘅另一半了

佢真係我嘅全部世界 冇左佢 我真係撐唔到落去 我會覺得 我人生嘅意義 就係為左佢
而家冇左佢 仲有咩意思？
同埋我知道時間會沖淡一切 但與其辛苦咁耐 不如一了百了吧

推返上嚟先

好傷心幾時可以有真愛