老大
大食積一名,與其講野寧願沈默食奶,當老二老三未瞓醒,佢已經第一個爬去靚位食頭啖奶當老二老三食完,佢都仲堅持食奶所以體重增長嘅速度真係老二老三比唔上
我仲記得出世果日,我想搬開佢畀老三食奶,點知佢咬住妹豬乳頭唔放將來應該係個好胃食嘅主子
老二
同老大相反,與其食奶不如練下大聲?
每次抱佢,佢都叫得好大聲引妹豬注意搞到我哋好似拐子佬因為佢宜家體重最輕,我有時會特登抱老二去中間靚位食奶,點知佢又自己左轉右轉,然後又畀老大攝咗入去食奶
開眼相唔知點解我覺得有啲似佢爸爸嘅對手-二伯
老三
同兩個哥哥姐姐唔同,比較文靜又唔會好主動爭奶食,就連出世都係我哋忙緊其他嘢唔覺意嘅情況下,妹豬無聲無色就生咗最似佢嘅老三出嚟
原本一出世就擔心就係佢,因為一出世佢冇佢兩個哥哥姐姐咁叻揾到奶食,果晚我甚至擔心到開支奶畀佢食,夜晚瞓覺都瞓下醒下,一醒就去睇吓佢凍唔涷食唔食到奶
不過可能佢係三隻毛色中最似媽媽,甚至連性格都似媽媽,係個乖巧生性嘅主子,佢之後都識得揾到奶食,就算畀老大由中間逼走去後面嘅位,佢都揾到食,抱起佢又唔會好似老二咁大叫聲
感覺妹豬都好似有少許偏心呢個最似自己嘅囡囡
啱啱逐個bb抱起影相同磅重,一開頭係老二,老二一叫妹豬9秒9跑嚟嗦下老二,之後跳番去衣櫃陪住老大老三同喺衣櫃監視我地,到還番老二抱走老大,佢都冇咩太大反應