其實今集ragnarok 劇情上除左某幾個位我覺得有少少突兀之外,全個流程我真係好滿意。
之前有玩過戰神既應該好大感觸,由舊戰神時代kratos純粹一個殺戳破壞機器轉變到萬人景仰反抗暴政同統一九界既真戰神,kratos父子既互動,Freya同kratos既互動,以至配角如矮人兄弟,thor家庭,每一個人物既刻劃同成長都好飽滿。
有幾幕真係睇到fans會眼濕濕,例如kratos睇最後壁畫,kratos向矮兄跪低求祝福,atreus 離開前逐個逐個講感受果part
硬要數既話,都係有幾個位幾突兀。
1:奧丁殺左矮兄之後,kratos即時反應竟然係突然厭戰想退隱返屋企?明明一開頭奧丁提議講和都一口斷然拒絕,kratos又當哂矮兄同矮弟係親人咁,無論為正義定為復仇都應該即刻同奧丁宣戰啦下話。
2:改變心意,肯做8界統帥一開始講明為復仇,之後見到人類炮灰就即刻話戰爭應為正義不為復仇。如果加插多少少懺悔回憶成件事應該會好少少
3: 矮兄葬禮竟然冇Atreus
呢個真係點都兜唔到,完全唔岩人設