唉 有冇人同我一樣呀
是咁的!當時啱啱暑假,本來諗住搵個friend一齊玩,小弟我未玩過mhr,就諗住搵一個未玩過嘅friend一齊玩啦,我有個現實 friend無玩過,佢呢個人十分之認真,讀書好叻,打機認真到花好多時間練習,好快就勁過好多人,大概就係從唔識玩去到鑽石或者更加高嘅等級只係需要兩個月咁上下,之前同佢玩過啲PVP嘅game發現同佢玩唔得,至少我搞唔掂佢進步速度太快,又唔教下我點玩點出裝有咩技巧操作,唔敢同佢玩啦,諗住魔物獵人副本嘅會好啲,咁叫佢一齊玩屠龍,佢又OK喎,咁我都好好咁佢玩我就玩,想盡量保持一樣嘅進度,費事落後追唔上咁啦,一日玩10幾個鐘 瘋癲時20個鐘,啱啱開始玩場場開街場比其他人入..算啦..一個星期即刻可以打詭異化,係冇打過龍嘅情況下,上咗好高等級
跟住我個friend知道咗mod呢樣嘢,一連串就開始嚟料!
咁開mod有啲提示、可以方便啲或者輔助到你,咁我覺得好正常啦,我個friend未到詭異化直接開mod用修改器無限金錢無限素材刷神護石,啱啱開啟詭異化系統冇耐時(詭異化lv15前),直接Rare8 9 10咩裝備都直接詭異化極限,佢雙刀轉重弩再輕弩,加埋更新咗幾次,一件裝多三四個技能仲要四五個石槽,仲為咗輸出特登玩屬性,所以已經有二十幾套。我就冇開修改器,同埋想玩多少少武器而優先考慮無屬性輸蝕D。我打MR5啲任可能要5-10分鐘,佢solo打詭異化lv100,但唔係最難嘅關(即係唔係打兩三隻魔物或者肉質最差嗰幾隻),一般要3-5分鐘..結果嚟講 同個friend打每一場到依家,冇試過一次打龍輸出超過兩成…
1.佢認為不論如何 修改素材是正當 官方允許的 係合理的 詭異化lv15直接到極限裝備
2.佢認為遊戲冇封佢AC 所以用修改器係合理 我唔用修改器唔可以怪佢 佢認為因為PC個個都咁玩 所以用係正確嘅玩法
3.因為每一個數字都係同官方一樣的 而且全部都未超過官方嘅最大限制啱啱去到最大限制啫 所以佢覺得冇問題 係合理的
4.佢認為只不過係提前拎到呢啲裝備 之後都可以打得返呢啲素材 所以冇所謂
5.佢覺得我同佢一直咁樣玩 唔會影響我嘅遊戲體驗..
6.佢認為佢都唔係一刀斬所以佢根本一啲都唔過分
明明我盡量貼住佢玩我都玩嘅狀態 冇開修改器 據佢所說我同佢嘅輸出最好嗰次相差15倍以上 有時貓車一次或者放鬆少少就20倍up 我表示感覺無打幾下 條龍就死咗
- 我提議過話重玩唔開修改器,佢話升到最勁之後你打返100lv詭異 120lv詭異 200lv詭異一樣啫 不過佢要刷最高輸出 唔刷就冇意思
- 我又提議開新存檔陪我玩,咁..舊嘅存檔開咗修改器㗎嘛 你咪刷傷害 咁相反新開嘅存檔陪我玩 就永遠唔好開修改器 係都想玩神裝嘅時候 開返舊檔搞掂,佢話陪我玩唔開修改器冇極限裝備即係冇得刷最高輸出咪冇意思囉 而且一開播唔齊技能唔齊寶珠 玩落去冇意思囉 簡單啲來講唔會重玩
- 咁佢係針對mhr 我有提議不如玩mhw,不過唔好開修改器,我諗外掛者心態係呢隻game玩嘅時候習慣開外掛 所以冇外掛唔得 mhw有差異 算係第二個模式吧 而且我記得好似冇詭異化冇神護石 平衡好似好啲呀嘛聽講,佢就話唔得因為要刷最高輸出…
- 同佢玩完呢隻game之後 因為佢話電腦廢 大概係1030嘅性能都冇 跟我講其他免費game啦 因為有錢佢早就買咗電腦.. 佢第一句問我有冇外掛 直接比神裝我 冇神裝隻game點樣玩
想問一句有冇人可以教我點樣同呢啲人打機