《周公Online》Season 2—北境篇

Ch.68

白兵三人為炭治郎等人處理好傷口後，便開始會議。而在會議之前，炭治郎等人向白兵三人自我介紹。

在會議上，白兵首先發言：「神駒，炭治郎佢哋話有兩個同伴同埋一大班村民喺山洞出面。」

仇思達托了一下眼鏡後，便露出一副嚴肅的表情，說：「好現實咁講，我同白兵佢哋嘅資源有限，最多可以應付多一、兩個人，但如果成村人入嚟山洞的話，就真係唔好意思喇，我同白兵佢哋無咁嘅本事。」

炭治郎一聽，心裡難過。

於是炭治郎站起來，一臉懇切地表達己見：「我哋唔可以放棄班村民㗎！如果唔係....佢哋一係變成『鬼』....或者俾『鬼』食....一係會俾奧丁派人殺死！」

「我知你好心，但係都要顧及現實情況。」仇思達眼珠一混，吞了一下口水後，續道：「不過，我有個辦法可以兩存其美。」

仇思達頓了一頓，之後笑著說：「我同白兵佢哋可以離開呢個山洞，同你哋一齊並肩作戰。」

炭治郎一聽，登時喜出望外。

「反正呢個山洞淨係得幅頭先你哋睇到嘅壁畫。」仇思達笑著說。

「何況你哋嘅戰鬥力唔低，加埋我哋三個，實無死！」白兵望向劉馬車。

「咁就緊係啦！同埋我，劉馬車，天水圍墮天地獄獸、天水圍陳浩南，有咩場面係未見過啊？」劉馬車流露出充滿自信的笑容。

「多謝仇先生同白兵先生！仲有劉先生！」炭治郎向仇思達三人報以燦爛的笑容。

「其實呢，我同神駒佢哋傾過，如果想搵返番去現實世界嘅路，就一定要打爆奧丁同埋鬼舞辻無慘，清除威脅。但係我相信淨係憑我哋係絕對唔夠做。所以我哋決定咗用部『IPad』去搵其他玩家，希望可以組織到一股強大嘅力量，聯手對付奧丁同埋鬼舞辻無慘。」白兵摸著自己的下巴，一副胸有成竹的樣子。

「所以我哋先去搵你哋。」仇思達微笑著點點頭。

炭治郎等人感到振奮。

「但係奧丁已經知道晒我哋啲位置....而且鬼舞辻無慘亦都見過我哋....」Ashley雙手抱膝。

「正正因為咁，我哋先要盡快搵到其他玩家。」田信望雙手交叉胸前。

「如果唔係....佢哋九死一生....」龍文君語氣冰冷。

「咁我哋宜家就行啦！」齊格菲站起身來，磨拳擦掌，整個人相當興奮。

伊之助亦站起身來，與齊格菲一唱一和：「啱啊！你大爺我宜家周身㷫喇！」

眾人看著戰意旺盛的伊之助和齊格菲，無不心裡激昂，紛紛流露出微笑。

仇思達隨意望了手上的「IPad」一眼後，突然高聲地說：「等陣先！都係天光之後先去啦，事關鬼舞辻無慘同佢嗰兩隻『鬼』仲未離開條村....」

仇思達之言令炭治郎心裡生疑。

「唔怕老實講....鬼舞辻無慘都係玩家之一....只不過係一個仆街嘅玩家。」仇思達的答案令人震驚！

「What the fuck！？」梁俊川瞪大雙眼，一臉難以置信。

「大家訓教啦，聽日開始大把嘢做啊！」白兵說罷，便站起身來，伸個懶腰的同時打了個呵欠。

早已感到疲倦的炭治郎等人，紛紛席地而睡。

就在炭治郎等人入睡後，仇思達便與白兵和劉馬車走到洞穴深處俏俏話。

出住咁多先　聽日繼續

其實玩家會唔會死？某啲玩家完全係LＶ１村民，點組隊做任務？
現實世界俾人趕走咗。

當然會啦

不過，喺周公世界裡面，係無lv之餘，更加無hp同mp

等多陣　宜家努力中

「嗰個炭治郎好鬼左膠....」白兵皺著眉頭，輕聲地說。

「話知佢乜膠都好啦，總之係可以利用就得啦。反正我哋志在嘅係創造出一個新嘅香港，之後後一齊做話事人！」仇思達輕聲地笑著說。

「不過其他人嘅底我哋仲未摸得透....唔知會唔會搞亂我哋嘅大計呢....」劉馬車說罷，突然露出淫穢的笑容，說：「真係好想食晒嗰三條女啊....」

「屌你啦！未成事就精蟲上腦！」白兵指著劉馬車輕聲罵道。

「好啦、好啦！我搵食嗰陣會行遠啲㗎喇！」劉馬車繼續淫笑。

「不過諸神黃昏嗰度....我諗我哋要去度一度點樣搞先好....」白兵摸著下巴說。

「集結咗力量先，之後慢慢再搞。反正奧丁佢自己都會出手阻止㗎啦。」仇思達頓了一頓，續道：「大家去訓啦！聽日開始有排忙啊。」

仇思達說罷，三人便解散，各自去休息。

與此同時，在岡瑟的村內，無慘吩咐太郎兄妹有禮地召集村民們，前往奧丁聖壇。

當人數有一定的規模時，無慘便彬彬有禮地開始演講：「大家，我嚟嘅目的，唔係傷害你哋....我反而係將一個好消息話俾大家聽....」

無慘頓了一頓，續道：「你哋可以唔駛怕奧丁同埋一啲奇怪得嚟又恐怖嘅人....」

無慘的說話引起了村民們的議論。

「因為....」無慘的語氣突然變得鏗鏘有力：「我會令你哋成為完美嘅存在！」

無慘令村民們靜下來。

「你哋有無諗過，你哋係可以唔駛水同食物都生存到？你哋又有無諗過，你哋可以有永生？」無慘說罷，那張微笑的臉忽然嚴肅起來。

「如果你哋唔信嘅話，可以搵一個識得殺人嘅人，去到壇下，試一試我嗰兩個手下....」無慘說罷，便吩咐太郎兄妹說：「太郎、墮姬，你哋俾啲村民試下，由我以嚟嘅嘢，到底有幾好。」

太郎和墮姬領命，便張開雙臂。

那時，呼嘯的寒風令岡瑟從昏迷中清醒，他一張開眼，便發現自己被同鄉扶挽著。

岡瑟強忍劇痛，定睛四周，發現在壇上的無慘，於是他連忙抄起腳旁的劍，高呼：「大家小心啊！佢係怪物嚟㗎！」

注意到岡瑟的無慘，便望向在人群中的岡瑟。

太郎和墮姬一聽主人受辱，欲上前殺掉岡瑟，卻被無慘阻止。

無慘高聲地說：「搵人帶佢過嚟。」

於是村民們便將岡瑟扶到壇下。

「呢位先生，你可以用任何嘅辦法，去殺死我呢兩個手下。」無慘用兩隻手指指向太郎和墮姬。

岡瑟大喝一聲，揮劍斬下墮姬的頭，嚇得村民們馬上掩目。

過了數秒後，村民聽見墮姬的聲音，紛紛移開手掌，走去圍觀墮姬。

「你哋睇到未啊！？呢啲就係嚟自無慘大人嘅禮物！」墮姬的頭顱在地上嘴角上揚，自豪地高聲說。

村民們相信了無慘的說話，除了岡瑟外，無不下跪，膜拜無慘。

岡瑟盯著壇上的無慘，然後大叫：「大家！眾神之父會殺死所有背叛佢嘅人㗎！」

「你好煩啊！」太郎揮動鐮刀，欲殺岡瑟。

下一秒，無慘突然出現在太郎的身旁阻止他。

「我俾你睇樣嘢。」無慘從衣袋裡拿出一塊刻有盧恩符文的石頭，展示給岡瑟看。

岡瑟登時呆若木雞，手也鬆了，劍就掉到地上。

因為岡瑟很清楚，就只有阿斯嘉特的人，才可以擁有自己眼前的「阿斯嘉特之鑰」。

「你知唔知點解我可以攞到呢舊石？」無慘收起「阿斯嘉特之鑰」，用斯文的語氣對岡瑟說：「因為我，比阿斯嘉特更強大。」

無慘說罷，便望向岡瑟那斷了的左臂。

無慘二話不說，以肉眼難見的速度，用指甲刺向岡瑟的額頭，透過指甲將自己的血液傳到岡瑟的體內。

岡瑟那斷了的左臂，剎那間就重新長出來！

同時，岡瑟亦感覺到自己的身體出現很大的變化！突然充滿精力！疲累盡消！

「你，叫咩名？」無慘徹底征服了岡瑟，將他對奧丁的恐懼和敬畏徹底擊碎。

岡瑟一邊望著無慘那血紅色的雙眼，一邊跪在地上，回答說：「我叫岡瑟....」

「以後好好努力喇，岡瑟。」無慘語音未落，被他震撼了的村民們失控了！紛紛湧到無慘面前，向他索求血液！

「喂！秩序啊！秩序啊！」太郎撕破喉嚨地高呼。

墮姬協助兄長，維持現場秩序。

待續

sorry大家！　宜家先有文

呢一段幾好睇，好似鬼滅漫畫會出現嘅劇情。
有少少似彼岸島

凌晨有文

對唔住　要夜晚先有

點解日日有人追住負評，你搞人條女？

那有咁嘅本事

Ch.69—北境篇

炭治郎等人醒來後，便開始進食。

劉馬車拿著一包「嘉頓麵包」，一邊吃，一邊走向洞口。他發現天已亮後，就折返通知炭治郎等人。

炭治郎等人加快進食速度，吃完早餐後又迅速整理裝備。

炭治郎吩咐禰豆子留在山洞裡，然後白兵就用傳送石連結山洞和村莊。

炭治郎等人穿過門後，去到早已人去樓空的村莊。

然而村莊的大門，是緊閉著的。

炭治郎等人連忙四散搜索，除了尋找炭治郎的木箱之餘，還要調查整條村發生什麼事。很快地，他們發現馬匹們都被殘忍地殺害，肉體被撕成數份，內臟和鮮血流遍馬廄。

在馬廄出入口前的梁俊川，被氣得用力踢向欄柵：「仆佢哋個街....！唔係人嚟㗎！」

仇思達見到馬廄裡的慘況後，當場嘔吐。

炭治郎滿臉悲傷，在馬廄前下跪，雙手合十，閉起雙目，為死去的馬匹禱告。

眾人等到炭治郎禱告完畢後，再進行搜索。

經過一輪地毯式搜索，除了找到炭治郎的木箱外，還找到大量的水、糧。

眾人會合後，梁俊川便搖頭嘆息：「最衰有『鬼』同埋阿薩神族！如果唔係真係可以就地起個基地出嚟！」

白兵將炭治郎送回山洞後，再將炭治郎和在木箱裡的禰豆子送回村莊裡。

正當炭治郎等人出發與毛澤東和易蘭會合之際，有一個男子在村莊的大門出現。

男子走向炭治郎等人。

炭治郎等人以為是村民，於是便跑向男子。隨著雙方的距離逐漸拉近，他們看到一張沒有鬍鬚而又俊俏的臉。

男子肌膚白如雪，穿著一身潔白的袍，兩邊衣袖袖口鏽著金色的圖案，讓人一看就知非凡夫俗子。

「大家好，我叫巴德爾。」一聽到巴德爾這三個字，炭治郎等人即刻進入作戰狀態！

「我唔係嚟戰鬥！」巴德爾展開雙臂。

「就算我真係嚟戰鬥，你哋都贏我唔到....」巴德爾緩緩地垂下雙臂。

炭治郎等人並沒有鬆懈。

巴德爾見狀，便單刀直入：「我嚟嘅目的，係為眾神之父傳話。」

巴德爾頓了一頓，續道：「宜家，米德加爾特出現咗大量只能夠喺夜間活動、以人為食嘅怪物。眾神之父希望大家可以同我哋阿斯嘉特一齊聯手對付啲怪物。如果唔係....成個米德加爾特嘅生靈都會被毀滅....」

「憑咩要我哋信奧丁呢個人渣！」Mark指著巴德爾呼喝。

「就憑我單人匹馬嚟搵你哋。」巴德爾的說話反而令現場氣氛更加緊張。

「咪撚理咁多！上啊！」阿輝雙手緊握「凍骨者」的手柄，衝向巴德爾！

巴德爾見狀，沒有任何反應—就算「凍骨者」即將打中他的頭頂。