韓國生活（100）垃圾明洞除咗唱錢無野做

申請keta 用港幣結算收我成80蚊貴三成食水咁深

lm

搶到$208 機票, 第一次去seoul

見到어사출또賣蒸蠔就知冬天真係嚟啦10800就可以食一大兜

揀韓元抵好多

請問各位巴絲，冬天去邊度玩好（郊外）想睇下景睇雪
有諗過去雪嶽山
唔滑雪 另外聖誕跨年市區有無邊度好去好睇？

另外炸醬麵除咗香港市場之外有冇邊間係最好食？
人蔘雞除咗民族村有冇其他更好食？
食海鮮帝王蟹嗰啲最好去鷺梁津？

感謝各位

發現韓國d車校到個窗好黑 完全睇唔到入面 如果喺香港一早比人罰錢

郊外嘅話可以去南怡島
聖誕可以去明洞睇燈飾，冇錯明洞終於有佢嘅用處
或者今年the hyundai seoul/time square都有聖誕裝飾
12月16號開始喺首爾廣場有户外溜冰場
可以去玩下喔

另外嗰間嘢叫香港飯店
炸醬麵同人蔘雞我都唔係好食
答你唔到
FYI我鍾意喺仁川China Town食炒碼麵

海鮮嘅話其實首爾好L多地方有得食
我成日話你只係想食魚生同辣魚湯嘅話
어사출또都夠做，唔貴，份量啱啱好
有啲舖仲有蒸龍蝦食
缺點係未必有英文menu
大蟹我好少食（邊會有人成日食大蟹）
可能真係要去鶩梁津/可樂市場食啦
但老老豆豆兩個市場都好海鮮價
所以要講價格價
又FYI近排好似仲係俄羅斯蟹，唔係韓國蟹

同埋你可以IG follow kimchipeople/creatrip
有好多最新韓國旅行資訊

講起英文翻譯
話說早排我陪人睇四柱（八字啲朋友）
嗰間嘢外國遊客加1萬
因為要用papago翻譯用好多時間

多謝巴打詳細嘅分享
都有諗過去埋南怡島 ！ 天空公園都會去～

咁我搵晚再去明洞先！ 現代百貨都可以諗諗
因為我搵到好幾間想食嘅餐廳都係明洞（好似爬文有睇到燒肉推王妃家）

男朋友想食部隊鍋 普樂部隊鍋算唔算首選？

炸醬麵，打錯咗添…
其實我之前去韓國有食過白種元嘅香港飯店
但覺得一般，所以想知有無邊間係最好食嘅

海鮮主要都想食帝王蟹為主，生魚片有睇過YouTuber 話石班魚同比目魚係韓國最好食嘅生魚片魚類，龍蝦就無咁好食。但唔知邊度有抵食生魚片店嘅，不過我都bookmark咗巴打介紹嗰間先

好呀我都去ig 睇睇先
好多謝你分享咗咁多意見俾我呀

嗰間咩嚟部隊鍋我都少食
你問我炒辣雞/一隻雞邊度好食我就覆到你
明洞都幾多連鎖店，你可以睇下你想食嘅舖
會唔會第二度有分店
咁就唔使去幾轉明濃

想問依家去韓係唔係淨係搞K-eta 就得？
洗唔洗搞埋Q-Code

要呀 入境嗰陣要俾佢scan

係咪去之前48小時內申請就得

係

想問12月係首爾羽絨係唔係必須

想問下呢隻暖包係邊到有得賣？

暖包之前喺便利店買咗隻軍人打仗包裝嘅
但如果要大量我估超市可能會上架？
個陣去南怡島未出太陽凍到想死 佢救咗我

炸醬面上幾頁有講過

唔係 入到室內熱到仆街