在線中啊
出發之前,我地好快咁參觀左間Hostel,佢係一座兩層既古舊建築,地方非常之闊落,我同Nick都係住第二層,不過我地既房都有一段距離。
落返去需要行一條頗長仲有轉折既樓梯,所以我地岩岩拎行李上去既時候都幾辛苦。
地下除左一個好細既reception位之外,有一個極大既canteen,個度會serve自助形式既早餐同晚餐,而中間既時段就開放比住客,可以煲熱水諸如此類,除此之外其實好少有人會坐係度。
不過我最中意呢個hostel既地方,就係reception對出既花園。
出入Hostel既時候都一定會經過呢度,所以我岩岩入黎個陣,都比呢個景吸引左。除左各式各樣既植物,個度亦有兩張好大既長方形檯。
原來大部分既住客都集中曬係個花園既長凳,吹住水咁食lunch,一個好悠閒既畫面。
而位於Hostel旁邊,係一座唔太起眼既教堂,係意大利,天主教堂就好似7-11咁,總有一間在左近。
Hostel出面有巴士站,一張車票都唔算貴,€1.2,但我地兩個都中意行路,所以選擇左行40分鐘去市中心。
出去個陣大概中午十二點,我地落車後都冇食過野有啲餓,係途中搵到一間kebab(FYI:一樣中東小食)小店。去過歐洲既應該都知,基本上係每個國家,除左連鎖快餐店外,最平既外食選擇就係kebab(好似係)。
由於前兩日係米蘭食既意大利野都伏伏地,我地就決定入去食個平lunch。
個老闆理所當然係中東人,但佢非常之風趣幽默,係咁同我地傾計。唔係講笑,我覺得個刻我食既kebab好食過曬之前食既pasta,又足料,三四歐羅可以填飽個肚的確係窮遊之選。
老闆見我單肩拎住部單反(P.S.不建議咁樣隨身攜帶,好危險),突然問我可唔可以幫佢同佢阿哥影張相,雖然有少少嚇親,但我都好樂意,影完仲問佢拎左Facebook話遲啲send返比佢,其實諗返都幾搞笑。(我仲有張相,但費事PO人地個樣出黎
)
「個老闆實係見你靚女想撩你拎Facebook啦,咁都落搭。」
Nick一邊食住kebeb一邊同我講。
「有咩所謂,學你之前話齋,佢又唔會食左我地既,除非個kebab有毒啦。」