【新手/愛情/遊記】我竟然同左一個陌生男仔去歐遊

1001 回覆
419 Like 15 Dislike
2017-07-24 00:26:01
新讀者
幾好睇
2017-07-24 00:45:09
lm
2017-07-24 01:18:03

咁啱復活節去咗荷蘭+比利時 好期待


Amsterdam好正,但要啲時間記返起啲細節
btw Brussels Brugge好好多

荷蘭最正係明明first language 係dutch 但成個國家都係english-friendly
bruges真係好正 講起就好掛住

我寫嗰陣可以提及下
我都係 等我沈澱下Brugge先
2017-07-24 01:18:30
新讀者
幾好睇

多謝
2017-07-24 01:40:04
推推推
2017-07-24 02:47:06
新讀書留名
毒絲一定唔敢自己一個去旅行
樓主真係好勁
2017-07-24 13:24:31
2017-07-24 14:15:13
live咗 好有畫面 加油
2017-07-24 14:27:10
好好睇

2017-07-24 14:30:05
新讀書留名
毒絲一定唔敢自己一個去旅行
樓主真係好勁

做人點都要有一次離開自己既comfort zone! 唔關毒唔毒事架,一個人去學到既野更多,又可以壯膽,近近地試下自己去台灣都得!又唔會語言不通

btw多謝支持
2017-07-24 14:30:27
留各支持。
2017-07-24 14:30:37
live咗 好有畫面 加油

多謝,會的!
2017-07-24 16:49:05
大家預我十點出文
2017-07-24 17:50:41
push
好浪漫
2017-07-24 21:38:23
呢篇都係想介紹下五漁村居多,可能有少悶

《意大利篇—五漁村 Cinque Terre (1)》

唔知大家仲記唔記得,我咪話過成個意大利,最想去Florence同Venice既?

佛羅倫斯就去過喇,但始終冇踏足過威尼斯。

原因係我地第二晚喺佛羅倫斯嗰陣,已經開始諗定意大利之後去邊度好。經過一番Skyscanner同GoEuro既搜尋下,我地決定左去法國,再順住上去德國。

只不過因為由Venice出發既話會耽誤左少少個行程,所以被逼放棄。只好留一日喺五漁村,然後就要返返Florence出發去法國。

「其實五漁村都好靚架,有好多彩色既屋仔,同威尼斯嗰個彩色小島都有幾分相似。」

Nick嘗試安慰去唔到威尼斯既我。

「其實你唔講,我都真係未聽過五漁村呢個地方,聽落去都幾得意既。」

去唔到我其中一個Dream Place,難免有少許失望,但我都努力嘗試唔去埋怨啲咩,因為呢刻我已經非常committed要同Nick一齊周圍去,冇諗過自己一個走左去。

*

第二朝我地晨咁早就起左身,連間Hostel都未開始serve早餐,有少少掛住佢杯咖啡。

從佛羅倫斯去五漁村,一啲都唔難。只要去返第一日嗰個中央火車站,直接喺自動售票機買飛,13歐羅度,但注意目的地係一個叫「La Spezia Centrale」既地方,上面並無「Cinque Terre」呢個選擇,原因等陣會講返。

頹到極致既我地,走左去火車站對面既麥當勞食早餐,但今次應該係心理因素吧,我竟然會覺得麥當勞(非McCafe)啲咖啡好飲。

成程火車大概兩個鐘多啲,途中會經過Pisa站,即係好出名嗰個比薩斜塔既所在地,所以好多人去五漁村會順便去埋Pisa,不過我地因為時間關係,就放棄左去嗰度,其實每個人去到,咪又係擺個做到爛既推塔Pose就走,對我黎講冇咩特別。

魚與熊掌,不可兼得。

女人既心情真係可以好反覆,琴日我係個唔襯衫,吹啤酒既女漢子;今日我係個為左影相呃like而特登襯衫既港女。而Nick照舊都係著得好平凡。

由於早出發既關係,整夜無眠既我理所當然喺火車又訓著左,朦朧中感覺到我有好幾次唔小心訓左喺Nick膊頭,不過自然反應下,好快又彈返起身。

2小時12分鐘後,列車到達La Spezia站!

一直唔知道有呢個地方存在既我,當然對呢度尤其陌生。

猶記得踏出火車站,只見到小屋幾棟,並無想像中既彩色屋山丘。

「說好的彩色屋仔呢?」我一臉著急咁問Nick。

「唔好咁心急啦,都未到。其實呢度仲未算係五漁村架。」

佢耐心咁同我解釋,原來五漁村顧名思義,係有五個村鎮所組成,而喺La Spezia再搭火車轉乘到第一個鎮(Riomaggiore),車程只不過係十分鐘既事,班次亦非常密。

當我地順利到埗第一個村鎮時,我喺火車站既圍欄旁見到前面既一片深藍色大海,海浪聲不斷衝擊著懸崖,頗為壯觀。

出去車站後需要行一段樓梯路先會到小鎮既中心,雖然仲係未見到心目中既景象,但沿途既風景已經足夠令我慢慢欣賞。一邊行一邊回望時,就好似見到全島既風貌咁。

Riomaggiore好似係最多店鋪同餐廳聚集既鎮,兩旁既建築物都被塗上唔同色,就好似置身喺一個童話式小鎮咁。不過因為係渡假勝地,比較少見到真正當地人既生活,街上大部分都係被唔同國家面孔既人擠滿,人流亦絡繹不絕。
2017-07-24 21:38:46
push
好浪漫

多謝
2017-07-24 21:39:06
仲有少少,沖完涼出
2017-07-24 21:41:37
快d啦
2017-07-24 21:58:22
快d啦

打緊喇,冇儲文架,即寫即出
2017-07-24 22:00:28
Live左
樓主加油
2017-07-24 22:26:41
我地經過左一間叫媽媽咪啊~ (Mamma Mia)既小型take away餐廳,裝修非常小巧卻有特色,海藍色既度假屋感覺。



入面傳黎好香既薄餅味,就好似當日喺佛羅倫斯見到既雪糕店一樣,有好多人排隊,所以我地就被吸引入去。

倉猝決定下,最尾只係同Nick叫左一個lasagna一齊share黎食 ,因為貪佢夠飽(除左餐佛羅倫斯牛扒,我地平時其實幾慳住黎食),只可惜味道只屬一般,而且好似翻叮叮唔夠熱咁,但後尾先知原來佢地既炸魷魚,海鮮嗰啲先係最出名,策已失,不過make sense,漁村嘛。

我地喺鎮上既main street兜左一個圈,可能喺周邊五顏六色建築物既影響下,即使一間普普通通既店鋪都顯得特別有趣。






穿過大街,慢慢就行到黎海灣,周邊氣氛非常熱鬧,喺呢度終於見到我等左好耐既海邊小屋群!海岸上既一件件彩色屋背山靠海,Pastel色調同旁邊湛藍既海水相映成輝,交織成我見過最靚既風景之一。



喺呢個鎮停留左大約一小時,為左趕得切一日去曬五個漁村,我地唯有向下一站進發。每條村其實都被火車軌連接著,站與站只隔3-4分鐘車程,4歐羅一程,或者可以購買一日票(~16歐羅)。當然,唔想用錢既話,亦都可以選擇徒步,有冒險精神既我地,提議一齊試下行去下一個鎮。

據Nick講,Riomaggiore同下一個鎮(Manarola)之間有一條步行道名為”愛之路”( Via dell'Amore),被譽為”最浪漫既沿海步行道”(好似係),全程都係20分鐘。

可惜既係,因為我地去嗰排,愛之路被洪水撞壞,正在維修中,所以我地同佢就”有緣無份”了。


「都好既…唔洗陪你行呢條咩愛之路…聽個名都覺得肉麻… 」我裝作鬆一口氣。


「車,你估我想同你行既,只不過呢條已經係五漁村徒步路線入面最舒服既一條路,一係我地返去搭車。」Nick亦都故作不屑。


「唔得!話過要行就要做到。你睇下嗰邊好似有個指示牌話可以行山路去Manarola…嗯…好似都係話行20分鐘姐。」我指著離我地唔遠既木牌。

或者嗰刻我地兩個既頭腦都被海浪聲所弄昏,大家都睇錯左個指示牌上面某啲資訊,然後,我地中伏了。

待續
2017-07-24 22:32:49
Live左
樓主加油

2017-07-24 22:34:12
前年就係去意大利渡蜜月,去咗羅馬、佛羅倫斯、都靈、米蘭,一睇呢個故就好多回憶,特別係米高安哲羅廣場個日落,真係靚到好難忘,成個佛羅倫斯嘅氣氛就好似停留喺文藝復興時期咁,好正!
2017-07-24 22:53:15
前年就係去意大利渡蜜月,去咗羅馬、佛羅倫斯、都靈、米蘭,一睇呢個故就好多回憶,特別係米高安哲羅廣場個日落,真係靚到好難忘,成個佛羅倫斯嘅氣氛就好似停留喺文藝復興時期咁,好正!

希望我既故喚起你度蜜月既美好回憶啦
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞