巴打係咪飲醉咗酒 ? 見你啲字句好似有返咁上下年紀
分享下我自己親人經驗
我媽媽都走左差不多兩年 都係急病走得好急 一朝早仲好精神話要去飲茶 但突然之間就暈底咗 見到佢最後一刻係急症室搶救完上房嗰刻既畫面我呢世都忘記唔到 佢係昏迷咗但我地一家人一邊跟住姑娘推床入房時一邊好大聲叫媽媽頂住 唔好瞓呀 見到佢眼角有淚水流出嚟 嗰刻feel到佢好努力想同我地講野 但就醒唔到 最後媽媽係病房頂咗三日兩晚就走咗 我同媽媽關係麻麻地 但到最後一刻時我都好後悔自己無努力去改善過個關係 子欲養而親不在 後悔莫及 但想講既係巴打你同你太太已經有過一段好好既時間 有好好既回憶 如果冥冥中注定佢係要走既 你地都渡過咗人生中最美好既時刻 希望你咪做傻事 佢都唔想見到你咁樣 加油