事緣係我朋友9月20號落地溫哥華，好好彩臨飛前就搵到屋，send晒文件俾業主，落地簽約就搞掂。
但點知臨飛前Agent話有人預繳半年租金搶佐間屋。
咁就以為事情告一段落，以為純屬係鄰國人做法用錢解決問題，咁我地費事同佢鬥我地又俾半年甚至一年咩，話晒根本唔啱規矩。
點知今日係IG explore睇到間屋點解咁熟口面，傢俬一模一樣嘅？！仲要係香港人Page？！
咁就當然嬲到冚家鏟啦，因為以上呢件事，朋友一心以為落地可以有屋住，將落地之後約好睇嘅屋取消晒，差啲連當晚Airbnb都取消。
有朋友係Ig好心提點佢地唔好帶出錯誤信息誤導其他人，收到回覆係
奉勸各位即將離開香港嘅香港人，無論你身處何處，請謹記你係香港人，唔係強國人。以前係香港就鬧大陸人排隊打尖淨係識用錢解決問題，唔好同我講依家環境就係要咁，所有結論都係人所作人所為。
溫哥華又好，多倫多又好，點解近年越黎越多人話下下都需要prepaid租金？咪就係因為你地個個都肯俾，業主未開聲要，你地就主動提出呢個offer，將不合理嘅事情合理化。呢間唔得咪下一間，真係唔係每一間都需要預繳租金，身邊好多真實例子都係唔需要的。
當然以上只係個別事件，呢件事Agent都一定有問題。只係希望黎緊嘅香港人，唔好自己做壞規矩，害佐黎緊要黎嘅自己人
btw 知道page主已del post 並非惡意追究 純屬想提返香港人唔好自己做壞規矩 如果唔係分分鐘撚返自己人（活生生例子here）
好心出到去就唔好再跟香港嗰套做爛市
