我睇完完全唔覺得黃秋生有咩問題
反而睇得出黃秋生對後輩嘅用心
1. 曾sir 果場 一睇就知佢係完全普通貨色,又緊張,跟本唔使俾咩意見,普普通通
2. 浩南 果場 黃秋生都係由始至終一個諗法,就係想佢平衡返讀書同演藝,所以改晒劇本想為難佢暗示唔啱佢太細個玩。出奇地浩南又接得晒啲波,仲完全無驚左或者忘詞,大家對佢好感增加左好多。最後聽完浩南自白,仲喺鏡頭面前係咁話要睇佢跳舞,除咗係對浩南表示有興趣之外更加係欣賞佢先會咁做。仲同導演講要開多兩三部戲俾浩南
3. 最尾個男仔 好明顯係一開始超有自信,呢啲人通常一定會奶野。佢仲講自己咩飲咖啡... 講咁多又有邊個人真係會理你呢,黃秋生講返演戲101 俾佢知,演戲應該係正常狀態做不正常狀態。第二,喺第一次對戲果時就係好似游學修咁講,個男仔太鋒芒畢露,一句打過去就打返十句駁嘴,所以黃秋生先至玩尻佢,玩到走左。呢個行為大家睇到呆撚左,但其實黃秋生係想表達個男仔唔聽人講,好執着自己果套、懶醒
黃秋生都講左句好撚中肯,就係個男仔一定會係偶像。偶像係因為個男仔嘅特質就係靚仔,笑得charm , 而唔係佢自以為嘅演戲concept
成件事其實就回應返個男仔讀哲學,黃秋生教返佢咩叫演藝哲學啦。
4. 睇完明白Casting 哲學,並唔係邊個做得返原著、最似原角色先至贏到。因為casting 從來都係演一場未拍出嚟嘅戲,每個演員都有自己特色,可能陽光、演得有技巧等等,最後都要睇返導演要啲咩而選擇咩人。所以黃秋生一定會屌啲人執著扮返原著,就係咁解。 輸贏並唔係導演簡邊個,呢場輸贏係觀眾投票俾邊個。
我就會簡浩南