在線上,好大雨
可是在我猶豫之際,下意識的肢體語言已經按下了接聽,在接聽的瞬間,Selina用上一把斥責的語調對我質問,
「肯聽電話啦咩?」
「嗯嗯。」
「嗯嗯係咩意思呀?答我呀,點解失蹤呀?去咗邊呀?叫雞呀?」
「問返你呀,返大陸嗰晚點解無whastapp我呀?」
話音剛落,Selina的語氣開始有點支支吾吾,
「因為......」
「唔好扯開話題......」
我打斷了她的話柄繼續追問下去,這是我第一遍用上如此強硬的語氣。
「答我!明顯嗰晚你係熄咗電話。」
Selina煩厭地解說,
「收唔到咋。」
我澟澟然的追問,
「收唔到?你電話好似用一個最貴嘅商用漫遊plan,你呃我?」
Selina打算反客為主,
「喂,你依家咩意思呀?質問我呀?你從來都未試過用呢啲語氣同我講野嫁!」
說著說著怒氣沖沖的我大聲對她喊道,
「答我呀!嗰晚返大陸點解熄電話!同邊個去,上邊個間別墅呀。」
「喂!我無搵你一夜咋!你無搵我十日都有呀。」
「你失蹤係上人地屋企一晚,我失蹤就日日返工,你解唔解釋到呀?」
「即係你唔信我?」
又是這一句,設計這道問題的人非常狡滑,只有稍為差池,便會被人乘虛而入,更何況只要吵起架來,Selina絕對是一位難纏的角色。
我沉默了片刻才開口答道,
「問心呀,我地幾耐無見?無信任,可唔可以一齊到依家呀?答我呀!」
Selina開始支支吾吾答不上話來,
「咁......我真係有野做......」
「我唔洗你陪我全日呀,一個鐘連見都無時間見呀?但就有時間返大陸上人地間別墅度玩,一係就同啲姐妹飲酒飲到天光。」
「我除咗咁,自問我都有搵你......」
我按捺不住率先搶白,畢竟我聽夠她的狡辯,而且套用上Ada提過的觀點而言,Selina是次的解釋算得上是誠意零分。
實情上,我寧願深信她的來電本意絕不是解釋,而是向我問責,只是她意想不到我會發難而已。
「夠啦,我唔想再講啦,我夠鐘返工啦。」