貓糧資料庫（18）

唔係啦

自製鮮食係好
但真係無信心可以砌得掂貓貓所需嘅營養
仲要長期食

貓貓就黎1歲 想幫佢轉糧
本身食梗rc 諗住轉orijen或者wellness core
邊隻比較好啲？

我嗰隻四個月
接番黎前喂 RC, 到我手後買左 Instinct

之前都諗呢個問題
之後諗住食 wellness core , 揸唔定主意
後尾舖頭俾咗包 sample 我試⋯結果真係唔食

咁啱上個月去寵物展，Orijen 出咗個新包裝，買返去俾佢試
都幾鐵意食

我隻12歲老貓食咗幾個月汪喵銀養罐
但係有時會唸銀養罐會唔會營養唔夠多呢？
我見好多人都食凍乾生肉
想問下其實會唔會溝啲凍乾生肉俾佢會好啲呢？
因為都係買開汪喵 買返汪喵嘅凍乾生肉 好唔好呢？

想問係咪有group入想join thanksssss

我諗可能我表達得唔好令你誤會左
我屋企人長期餵副食罐同蒸雞加營養粉比隻貓
我主張乾糧或者主食罐
第二係我出聲阻止左好多次
但屋企人由此至終都冇改過

你好 我應該唔識你
我覺得每個人心目中都有自己一套餵法
我覺得副食罐一星期最多一至兩罐
一定唔會一日一罐 甚至一日幾罐

回應你第二點
我都同意長期食乾糧會令貓貓易啲有腎病
但長期食副食罐咁重味精同凍乾零食就唔會有腎病咩？
我覺得點都好 應該要以乾糧同主食罐為主食

我屋企人買嘅零食可以放滿幾個櫃桶
平時係又餵 唔係又餵
一個星期可以食曬幾包汪喵啲凍乾
副食罐都有差唔多成一百罐

罐頭係熟肉，而凍乾係生肉，如果要餵嘅話中間要相距起碼八個鐘，唔好一餐兩溝咁食

始終都大年紀 逼唔嚟，你試吓買包細嘅俾佢試吓先，肯食嘅再買大包

我隻貓食凍乾會唔會比較健康啲？

新手想問下，點分主食同副食罐？
有隻2.5月貓貓，我買左幾盒呢個每次俾半罐加水當一餐，乾糧長放有無問題？定呢個係副食唔識分

我就買左包orijen 但佢好似唔係好食咁
之前食rc個時一放糧佢就跑住去食

要睇凍乾加水佢食唔食
有d淨係肯食乾凍乾

我平時俾銀養罐佢都加水
我唸應該無問題嘅

咁梗係凍乾好d
不過始終生熟唔同
可能會唔適應肚屙

自製分生食同熟食（鮮食）兩派
最近研究過，生食嘅recipe嘅營養比例計算得比較精確，而且多數人都係整定一batch慢慢食，例如 https://catinfo.org/making-cat-food/#The_Recipe
會計好曬幾kg肉，對應幾多營養品。
鮮食派最難理解嘅係，明明貓係百分百肉食動物，自製都係想佢食返啱貓食嘅嘢，點解要落咩薯仔西蘭花
喺個人製作冇辦法完全解決生食入面嘅菌，用生食嘅recipe（唔包括骨）蒸熟黎食會唔會比較好呢？好似又冇乜人咁做

就算唔考慮營養粉加得夠唔夠，最基本營養素：蛋白質&脂肪，副食罐係一定唔夠。以好味小姐營養粉為例，佢成分係牛磺酸礦物質維他命，基本嘅蛋白質脂肪一定係要喺食物本身黎。貓要喺蛋白質攝取50%以上卡路里，副食罐係一定唔夠。
你屋企人講唔聽，你又淨係“講”唔做啲嘢去阻止，遲早害死隻貓。

可以睇返頭post學嘢，主食副食最簡單可以睇蛋白質含量黎分。
睇返呢隻罐營養成分“營養分析(每100g)：粗蛋白質 8.0%以上， 粗脂肪 0.5%以上 ，粗纖維 1.0% 以下 ，灰份1.5%以下， 水分 89.0% 以下”
蛋白質10%都冇，主食罐基本上係50%以上，呢個就唔可以當主食食。

主食罐唔會係50%以上喎
因為水份會佔70-80%
蛋白質多數會係8-16%

其實唔可以用蛋白質黎分
因為副食蛋白質都唔會差好遠
因為都係肉
但係多數就只有肉
無額外添加牛磺酸 維他命 鈣 魚油個d
而呢罐淨係添加維他命b群就唔得
係副食

多謝指教
柒咗要認

最基本係睇有冇寫符合aafco/fediaf要求
有就係主食罐

符合左第一點
再睇唔想要d咩成分
例如會唔會想要無膠

補充多少少
符唔符合主食罐營養要求係睇最後成品
可以有款有加a營養 有款冇加 但都一樣可以係主食罐
因為可能a營養本身喺d食材度已經夠
由於冇辦法得知佢原材料d肉/骨粉/蔬菜分別提供幾多咩營養
所以睇佢有冇加咩成分同係咪主食罐冇必然關係
可以有d主食罐成分果欄好長 有d短d

唉 其實我講又講左好多次
嘈交都嘈左好多次
亦都用過唔同方法阻止
但都係冇用
佢都係會等你啲人返哂工 訓哂覺
或者無人係到時咁樣餵
跟本佢個心態唔改
點阻止都無用