唔該講嗰句都講埋,係「大學夢」三個字吸引。
老老實實去得台灣讀書嘅,有幾多個真係DSE會過20分吖?考得嗰10幾分(甚到個位數),但係又想做大學生嘅人咪容易比呢度吸引囉,因為呢度嘅教育制度會當左你係港澳生或者僑生,收生分數低好多,個腦跛嘅都入到大學吖嘛
但係撇除英文唔講,台灣大學程度嘅數學都真係唔係咁易,即使俾你入到,你班DSE得幾分嘅人又係咪真係可以讀到畢業?有嘅,你讀埋啲私立學店咪輕輕鬆鬆玩四年攞到張畢業證書囉,稍為有上進心少少,入台成政清交、中字輩、兩科嘅,你係咪讀撚到含撚都無味囉
所以你成日會見到好多人喺台灣讀書讀到一半都讀唔成就話要返香港就係咁解。人哋啲大學流係流,同香港嘅更加冇得比,但係唔代表你班友求柒其就畢到業㗎嘛
所以我只可以喺呢一度再奉勸一句,台灣留學悔終身,英美澳加更稱心。
有價值嘅嘢唔會咁容易俾你得到,如果你本身唔係讀書嘅材料比香港嘅DSE淘汰咗嘅話,呢個世界唔會有咁筍嘅嘢,又低分收你,同時又俾你輕鬆畢業。如果你本身冇資格做大學生嘅話,即使俾你買到個學歷返嚟做大學生,你都唔會有大學生嘅料。