咩依家D港鐵查飛可以咁惡?當啲客係犯咁審?

話說12/7晚，我喺荔景站轉車，俾個gel頭港鐵男職員睥住，截停我查飛，就算唔係呢個站入佢都要查，咁我咪畀佢查囉。當我拎張八達通出嚟拍緊落去部機嗰陣，佢想搶我張飛，勾起咗我嘅童年陰影，我咪縮手，跟住佢就屈我唔配合查飛，叫晒佢啲同事落嚟支援，我心諗咁樣屈我都得？我好驚，新聞見得太多關於查飛隊嘅負面新聞，期間一個中長髮女人情緒失控，大叫「先生」，我更加驚，好驚佢會唔知做乜。佢啲同事落到嚟圍住晒我，check完我飛都唔畀我走，話要檢控我錄影同「的」我入房。

入到房無事先聲明收集我嘅個人資料用作乜用途，就問我攞身分證，咁我問返佢要我身分證做乜，職員就話即係拒絕出示身分證，即刻報警。警察嚟之前我已經畀咗身分證佢，無即時檢控，反而佢哋拎咗我張身分證出房唔知做乜。警察嚟到，個男職員又同警察講，本來佢查完我飛諗住放我走，點知我突然拎部手機出嚟錄佢。收到擬檢控通知書後，我表明需求話我唔舒服，想坐低休息一陣，個短髮女人又話限聚令，又話會議室唔係畀我休息，問我洗唔洗call白車，我拒絕並再次表明只係想坐低休息一陣，但佢就趕我走。

事後我打去港鐵熱線投訴職員態度同處事手法，客服職員反而態度輕佻咁話我無主動要求一個合適嘅地方休息，又話救護員有專業資格同能力去安排一個合適嘅地方畀我休息。港鐵仲成日開口埋口話站喺乘客嘅角度出發，實際啲職員當啲客係犯咁審。最搞笑係寫信投訴職員態度，收返嚟封信話只係經過內部問過嗰組同事（無得查其他內容如CCTV），就話我喺查飛過程中錄影，前後三個版本。

我打返去問點解封信得咁少回覆，佢話其他內容牽涉擬檢控個案，所以覆唔到我，但涉事職員講相關嘅內容就唔算牽涉，可以覆我？複製貼上港鐵附例覆我就算。投訴職員嘅態度，同佢表明我因呢件事有心靈創傷，要睇醫生，要求賠償精神損失，依啲可以完全唔覆。甚至依家要睇臨床心理學家，本身返工嗰邊本身續約，老細都叫我抖下先。#港鐵 #查飛 #荔景站

Source: 公務員secrets

做港鐵 = 半個官

根本極權社會就係一層壓一層

公平咩

查飛狗憑咩

幾年前就知, 政府默許咗差佬, 圍村同港鐵嘅權力
點解依家先有人問點解 究竟醫院訓咗幾多年?

公平, 你都可以去查飛狗

真.大撚晒

不了

其實好公平, 細個童黨都可以大個做警察
呢個制度比其他歐美國家更注重人民精神

收到擬檢控通知書

請問你係咪逃票？

唔想do狗

唔係我

查飛狗好似係外判保安公司嚟所以黨鐵職員入面係查唔撚到呢班人 佢咁撚惡就係因為佢搞鳩完你係冇後果

唔好傻啦，外判就唔係港鐵請？

港鐵就冇權解除合作約？

高層默許佢哋態度係咁差

好撚癲下

D查飛狗根本大晒

班黃KOL，包括金_，潘_濤都完全唔敢得罪港鐵
唔肯分享呢啲負面報道

19年開始冇用外判 不過構成員就多數係差佬 所以先有跪頸事件發生

查飛狗中意查你就查你

差佬做埋查飛?

唔想比人跪頸真係要長備刀仔係身

唔係個個差佬都做到咬糧架ching

查飛狗可以屈你