終於打爆,開新武將玩斎藤家,娶完帰蝶做一門就自己做家主
食晒美濃附近同埋信長d小勢力極速壯大
因為無左信長應該斷左好多事件,武田今川北條三家婚姻同盟到天荒地老,變相北條家只可以向東北發展唔駛理
會戰個威風太勁,試過同今川打一下強爆風今川全部軍隊被風吹走晒,成個勢力d 兵清0,仲要個城原封不動咁送俾你,唔駛打到殘拆晒d設施先拎到
同埋威風強度都同部隊數有關,試過4隊打8隊之類,但佢地8隊大部份都係一、二百兵仔掂一下就死,打贏都可以有威風(強)
根據地係稻葉山城,後期開始唔係幾打到東北同九州地方,所以都係委任軍團自動打
軍團要用支援,例如玩家有2個軍團,每個軍團20萬兵,各自委任佢地都唔會打30萬兵既敵人
但如果軍團A支援軍團B,軍團B委任既話,佢地就會識得聯合40萬兵去打人
成個流程最後打稱霸九州既島津家最難打,因為中國地區d城又疏又細,委任AI打佢地只會一隊一隊咁去送頭唔識集合。由四國過海又係遠,就算升滿隨身糧都會見d兵上到岸打幾野就無晒糧自己死
總結黎講都花左唔少時間統一全國,所以順便打上黎9up下
不過我記得以前打三國志打爆都會有d 年表講玩家做過d 乜,而家好似無 d 咁既野,就咁統一完睇片幾空虛