眠咗5個鐘後既12點
餓撚到醒咗
同房所有人都訓着哂
所以決意靜靜雞落床出去搵野食了
附近成條鄉村咁
唔好話人影,街燈都唔多支
一個人行都真係嚇到我瀨屎
行咗5分鐘左右見到救星
呢間lawson就好似漆黑中嘅螢火蟲一樣,咁鮮明同出眾
喺涼風陣陣下入到間lawson,
再坐低食個飯同飲罐啤酒,爽死了!
食完個飯都未夠喉
再整多串野食
屌拿媽冇帶長褲過黎,
著得條短褲仔都真係凍到仆街
飲飽食醉之後就準備返去啦
點知一行出lawon門口
無啦啦有兩個廿幾歲左右既男仔叫停我
一開口就用國語問:「你好,中文可以嗎?」
屌你又知我識聽既
原來佢地想問而加附近有冇野食
屌啦,有眼見方圓十里
隨咗間lawson就真係乜柒都冇
最後點咗佢地入去lawson之後就返hostel了
之後返到去又係冇乜睡意
唯有繼續喺lobby一個人飲悶酒
再幻想下可能有個靚女行出黎一齊飲 雖然最後都冇
飲多幾罐wingwing地
就周圍行下參觀下呢間hostel
呢間房係for傾計同用饍的(我估)
呢度係廚房,入面既器材同有啲簡單既食材(我見到有意粉同薯仔)可以任你用的
不過最重要係用完要執返乾淨啦
呢間房應該係娛樂用的
俾人喺度玩下game,睇下電視,識下朋友仔咁(都係我估)
行到出去仲有個花園仔
可以喺度透下氣吹下風咁都幾爽
參觀完畢,
入房訓教都已經4點了
拉開個窗簾布睇,4點已經天光
都係拿拿臨訓教了bye
Day 6 完~~ 下一日會過名古屋