做裝修師傳一問

風火水電 泥水油漆木工 咁多範入面做邊一範最好？ 最多野做同最好pay又係邊一範？
每一範又有咩好同唔好既地方呢？
依家好似做水冇咩人入行？多數去做電？ 考到電／水既牌又可以轉職到咩位？

個人認為泥水

但聽講條腰會gg

雖然我唔係裝修師傅，不過都答到你小小野，做過冷氣泥水同水電，宜家最好pay係泥水，最多野做係泥水，出邊最搶手都係泥水，冇話邊範最好，睇你鍾唔鍾意。

裝修都分類型，有住宅，有寫字樓，有地鋪，我自己就鐘意做住宅（少啲師傅一齊做野），最憎做寫字樓

做冷氣唔難，易上手，最緊要有力得嫁啦，我試過爭啲飛左部2匹半散熱落街，好既係識左夏天自己接job唔難，得閒sell下啲fd/姨媽姑姐隔多排就自然有客

泥水最辛苦，撈沙批盪要用力，界瓦要食塵，砌瓦鋪磚要精力，做村屋老細唔加錢送上樓啲料自己搬，好既真係得高人工

水電行喉模式好似，通常都一齊做埋，做之前最緊要閂水掣電掣就得。水跟師傅做得多就好快上手，電唔識真係要問，睇得多都可能未必識，同埋有機會帶電做野，好既係唔做裝修做大公司人工高少野做有福利有雙糧

水喉牌值錢過電牌，少人有，不過值錢係申請水錶，一般裝修用唔到，電牌就要有B先值錢。有水電牌可以轉出去做啲大公司/商場做，裝修就日薪高人少少

矮仔做泥水舒服啲，得閒留意下啲泥水師傅通常都好矮

有水喉牌之後轉去啲大公司/商場做係做咩位？人工幾多架呢？
淨係讀完水既文憑係咪轉唔到出去？

矮成點先會舒服

sor，我都唔知，我識得2個有水喉牌既師傅1個係裝修同維修2邊走，一個月5-8萬左右，一個係接舊工廠大廈啲老化換喉，一個月4-6萬左右

155-165咁上下，我之前跟個泥水師傅第一日同我講你唔適合做泥水，我開頭都R曬頭諗點解，到撈沙個陣就知點解，成條腰差唔多彎到90度去撈

認真答 其實你有心做 範範都搵到食 好多師傅一個月開30日工 你見到話開唔足工果啲自己心水清知咩事去做到咁上下 判數接生意做就睇你肯唔肯去學同做 同埋際遇

咁當然入面都有分真係高水啲嘅

泥水最好搵 依家好多泥水佬都唔打工 只係接判數 係幾fatfat 但你預三十歲條腰就長期痴住鎮痛貼

水電要有牌 水都仲叫做考到 同埋相對上易學 唔怕污糟就得 但電牌起碼5年+比人揸春袋 同埋唔係真係話無咩人有 都幾多電燈佬 所以如果淨裝修計 唔建議做電燈佬 但可以學下基本野無壞

油漆 就相對上輕鬆啲 但隻手一開頭就好攰+痛 同埋省砂紙大塵到仆街 唔戴口罩做多幾年驗肺等收皮

鬥木 已收皮 變裝嵌大雜工

其實仲有好多其他專科師兄 泥頭佬地板佬鋁窗佬天花佬玻璃佬冷氣佬棚佬 有啲專科到淨係專執色 淨係玩藝術野都有 全部都有價有市

所以其實諗太多邊範好做無用 直接白紙入行跟多啲師傅 慢慢就會知自己想做咩

有牌係咪指水喉匠個牌，5-8萬咁高架咩？聽講好似大師傅級都係收1600一日唔係咩？關唔關有牌事？
巴打依家係做緊咩？係咪由落手做升做唔駛落手做？

但就算矮係咪做得耐條腰都係會傷晒

電牌應該要b牌先會轉到去做大廈工程師個d？就咁得a牌應該冇咩用都係繼續做師傅？
咁水考到水喉匠個牌又可以轉做咩位？
鬥木 已收皮係講緊依家新入行個d？但舊個班老師傳應該好好搵？

有咩專科師兄係淨係專執色 淨係玩藝術野架？易唔易入行同幾錢一日架？

驚試一範半年後發現唔岩自己又轉另一範從頭白紙價黎過
同其實我想開頭落手做幾年之後轉做管工個類又應該點行

會嫁，係冇咁傷咁解，所以冇咩人入行做裝修泥水，咁搶手唔係冇原因

你入左行自然會知更多半年都應該仲係白紙價 所以入行再講

yes，我答唔到你日薪幾多，佢地接job做既
我做緊水電，裝修維修2邊走，裝修跟判，維修自己接job，就唔係唔洗做既

做大廈/商場/會所/私人住宅大部份有a牌就得，有啲師傅想求穩定又hea就會做呢啲，b牌啲人通常做機電處/高級商廈就高人工，c牌就工程師

水喉宜家好似得番一級水喉牌，冇電咁細分abc牌，我答唔到你做啲咩，我識得個其中一個係先做水，後尾讀vtc考牌，在出黎接job

鬥木又唔會收皮既，裝修三大範疇鬥木 泥水 油漆，冇佢唔得，養得起自己養唔起徒弟，賺既水位唔多，好少師傅/判頭請鬥木學徒，舊師傅係幾好pay，唔會高過泥水

裝修得學徒 雜工 師傅同判頭，大部份冇管工既，全部都係落手做嫁啦，其實你宜家讀緊咩訥

點解唔用攪沙機？2022仲用人手咁on9

我自己就想做判頭，所以樣樣都要學，唔一定專，要識睇收貨，我之前接過單住宅裝修就係唔識師傅同收貨最後蝕錢

我都係想做判頭之類
所以之前揾pc 仔啲工

依家水／電每1範既白紙價分別做緊幾多到呢？
淨係專執色 淨係玩藝術野既工係叫咩名？會唔會個價係高過其他？