我想問我用dwarfpool mon點解個
Sent hashrate 同calculated hashrate唔同 有時高好多有時低好多
我都係詳細解釋一下啦
挖礦既原理係,用電腦去解一條好很複雜既演算。你要做既事係不斷試唔同既參數去演算,睇下撞唔撞得中。個答案無人知,所以要GPU去計,邊個計到既成個Block就屬於佢。
由於個人既算力有限,除左超早期既挖礦之外,後期單靠個人既算力基本上無乜可能撞得中。即是話,每一個人都係買緊六合彩咁,撞中就攞一大舊ETH。於是,就有左礦池(pool)。礦池係集咁多個人之力一齊去計,然後中左大家一齊對分。原本一個人買六合彩好難中,變成十萬個人買,中既機率大增。但相對地,中左既話就分得少。有d人買左一張飛,有d人買左6張飛,派果陣會派一份( 1 share)俾一張飛,6份(6 shares)俾6張飛。
等同於你有一張gtx 1060 同6張 gtx 1060既情況。
而send hashrate就是你本地張卡計算既計度,calculated hashrate就是你收到既 shares/ time,即是大家一齊買六合彩分到既 獎金/時間 計出黎既速率
但係,即使十萬個人買,都唔擔保一定中,話唔定隔離個pool中左。又或者,你個pool中完又中。因此,calculated rate 會時高時低。