呢部大陸牌子攪油器好多地方有得賣
屎忽痕掉左粒轉子落原樽透明光油去觀測下個運作係點。
結果發現:
1. 原樽油好瓊,所以粒轉子轉到好慢,我諗真係要攪勻要擺好長時間。十分鐘度啦,不過真係會勻到,岩岩買左樽Gaia FG02 FAG 膚色,唔知係咪放大耐,開蓋個陣,面個浸係瘀血色,樽底就白色
放左十分鐘左右(中間都有拎 黎自己摩打手chok左十秒),變返膚色,底都無咁白
2. 一定要擺
正中間,粒轉子先會最有效率咁轉,樽無發出聲音就係效率最高。之前放偏少少會聽到高頻震音,以為粒轉子係轉快左,其實係卡左係樽邊敲緊個樽,完全無用
(個轉油器外殼咁樣係因為我上次清潔其他野個陣,唔小心將浸左洗筆水既紙巾撻左上去擺左陣,發現個陣已經拿到甩左色
)
3. 我買個陣,鋪頭話我聽放多粒鋼珠一齊攪會有效率d,所以我擺多粒鋼珠睇下會點,結果係轉子卡到鋼珠同卡到樽邊一樣,會停左
,有時會發出高頻噪音,都係敲緊粒珠無轉架
4. 就放太耐,或者一開始唔夠正中,樽油會開始偏移,然後高頻震音,其實就係同1. 一樣轉子卡左係邊邊,就要手動扶返正先有用。
結論,部野有用,你買新油返黎就放低五到十分鐘,樽油會均勻好多。但一完面放正中間,樽唔出聲就最好、唔好加其他鋼珠、如果個樽移左位、發出高頻聲就要移返正佢。