首先哲學撚係指會接觸/閱讀/討論哲學嘅人
係enthusiasts 不限於大學讀哲學嘅人
香港人係咪普遍都唔中意深入研究一樣嘢
https://lih.kg/3050096
- 分享自 LIHKG 討論區
好難想像一個讀其他科嘅人會開個咁嘅po
任何學術 甚至誇張啲任何興趣都可以深入研究
大把人討論 文學 科學 數學 歷史 政治 經濟
programming同data science呢啲實用學術更多人討論 毒撚打機睇動漫都可以深入研究
財經台討論投資更加唔使多講
唔討論哲學除咗因為冇興趣 有時仲係因為覺得唔值得討論 浪費時間同心神
哲學撚你哋撫心自問 討論咁多哲學得到咩答案?有冇令你生活得好咗?有冇開心咗?
我發現好多哲學撚覺得哲學比上面討論嘅其他嘢高級 係「高階思考」「追求真理」
呢種傲慢嘅態度真係極度噁心
一定有人話我以偏概全 大把謙卑嘅哲學撚
但我想講 呢個現象係真實存在 而且非常普遍
如果將上面個po嘅正皮數睇成認同樓主嘅人數 已經可以以小見大 睇得出情況嚴重
唔少搞哲普/大學教哲學嘅人都有呢種傲慢
佢哋講哲學會話係為咗「鼓勵思考」
真係笑撚死 你睇吓有幾多講科學/歷史嘅人會咁講?唔通呢啲學科就唔使思考?
啲哲學撚仲會話「讀哲學會令你成為更好嘅人」
都係嗰句 而家其他科/其他興趣就唔會?又唔成日見到其他人咁講?
因為大部分人都知道自己只係「分享興趣」
係哲學撚眼界狹窄 狗眼看人低 中意抬高自己