巴打 睇左頭幾頁 有少少意見想分享下
唔好食咁多丸類蟹柳呢類野
對減肥無咩用 反而食白肉好好多 姐係豬同雞
唔洗下下白烚架 反而要有啲油 可以焗可以煎
食好既油係對身體好 人既身體唔可以缺乏油
好既油姐係檻㰖油,花生油係非!常!之!唔!健!康!
另外盡量少食紅肉 因為紅肉其實幾難消化
跑步唔洗跑得快架 跑快反而唔太好
(見到你之前有同其他巴打講過 如果見到你叫你跑快啲)
慢跑心跳快左慢慢出汗跑半個鐘以上先會做到新陳代謝既效果
但小心跑得多會傷"失"頭
菜方便建議唔好食咁多什豆,揀啲纖維高啲會較好
例如西芹 秋葵 西蘭花
做完運動補充蛋白質會瘦得比較有效果同增到肌肉
朝頭早早餐可以食下三文魚 牛油果 麥包 雞蛋
呢四樣野其實係一個好好食既配撘
最後就係三分運動 七分飲食 因為你食譚仔/同減肥前不變既米飯其實已經好多卡路里唔係跑一個鐘步可以底消到架
希望你減肥成功 評已正
利申 成功減肥既過來人,用3個減左16lbs
好詳細呀唔該哂
其實我依家都聽左d巴打意見
變左跑慢d 但跑10k
早餐既話我weekend會跟下你咁整
平時返工冇乜時間 仲有十月要考兩個試 冇乜時間 所以早餐weekdays 都係keep返麥皮算
仲有想問下你有冇帶飯返工食 有冇咩送可以放得耐d
早餐通常我夜晚會整定放雪櫃 起身就有得食
呢排好中意 用黑椒鹽調味炒蝦仁 沙律菜 半個牛油果 烚兩隻蛋切開 全部野放入同一個食物盒
第二朝當沙律咁食 因為有牛油果 蛋 好多蝦仁 其實都幾飽
蝦仁係超市雪藏一大包個種 食到好多次
蝦仁換做三文魚都得 細舊魚腩 就咁用鹽黑椒調味加啲檻欖油係面 掉入焗爐170度焗8分鐘 夠鐘熄焗爐由佢放多3 4分鐘先拎出黎 係岩岩好唔會太生又唔會過火
lunch 我係帶前一晚既餸 中意煮飯所以多數夜晚都係自己煮 可以留起第二日翻叮
至於有咩 都係家常便飯 肉餅啊粟米肉粒萄國雞都係個啲啦
但千其唔好有菜 菜隔夜用微波爐叮好快食死人
lunch我唔會太節制 反正仲有大半日消耗卡路里
反而夜晚真係好節制 飯一開始真係減半 以加最多三啖 無刻意忍 只係食餸都會好飽
一星期都會有兩日放假俾自己乜都食
但過左排習慣左到以加其實睇食啲咩好啲食咩糖份低啲已經變左生活習慣