【速報】掌動數碼精靈:機甲龍獸&黑戰鬥暴龍獸
正義龍戰士:機甲龍獸!!&黑暗龍戰士:黑戰鬥暴龍獸!!
由V仔獸EX同飛蟲獸聯展進化而成嘅龍人型數碼精靈。以V仔獸系嘅身體披上昆蟲系嘅鎧甲,忠實呈現機甲龍獸嘅形象立體化,展現融合魅力嘅設計!
「死亡火箭炮!!」
炮管可以由兩脇可以展開,重現絕招「死亡火箭炮」!!
配合插曲亂射嘅進化畫面,當時佢嘅英姿係咪俘虜咗你哋唔少童年嘅心呢⋯⋯!!掌動系列就係好想重現嗰種魄力,所以就附送咗好型仔嘅炮口噴出嘅火花效果配件!
重現「死亡火箭炮」時需要使用到兩枝附送支撐用嘅支架。
由100座黑暗塔同阿基利獸嘅頭髮造出嚟嘅嘅病毒屬性黑戰鬥暴龍獸。黑版嘅01主角,擁有相反設計嘅型格;擁有其他黑暗塔數碼精靈本來冇嘅「心」而煩惱嘅個性、充滿黑暗英雄感同魅力嘅反派角色。
同之前發售過嘅戰鬥暴龍獸並排就好似一幅畫咁,如果有買嗰隻嘅話一定要拼埋一齊睇下!
「蓋亞能量炮!!」
為咗重現絕招「黑暗蓋亞能量炮」而附送嘅新效果配件,同幅圖一樣,望落大過隻數碼精靈好多,展現壓場感!
由左邊數起係黑暗塔,如果係fans見到一定會記得佢係咩嚟!今次作為黑戰鬥暴龍獸誕生嘅關鍵,產品會附送總共5座黑暗塔!(有冇人會買100座呢?)