因為安裝嗰日我要返工，就叫老母幫手開門比個冷氣佬裝機
裝完佢就長開冷氣試有冇滴水，我夜晚就過去熄機順便望下部新機
跟住我望住部機好似有啲怪怪地
上去望真啲，原來有條罅可以攝銀仔
估唔到買冷氣之餘仲送埋地方收散子，咁貼心嘅冷氣佬，真係值得一讚
問返點解會咁唔貼牆。原來係因為要就條雪種喉，唔可以比佢折太多驚漏雪種。如果個開孔打斜開就可以避免呢個問題。
點解冇打斜開？因為我冇同佢講，個冷氣佬見有窿就入
點解明知會唔貼牆而唔通知一聲？因為「如果個個客下下都要講清講楚，咁師傅點做呀？」
奉勸各位如果唔想有罅嘅話，裝冷氣嗰陣一定要同冷氣佬講明要將部機貼牆而唔影響耐用性，因為「師傅亦唔會知道客人會因為咁樣而覺得有問題」
