【互動故】《戀愛模擬器》

智力不足
就變白痴
要補智力

#045

你選擇左補習，去古代教育補習社報名兼上堂。

（金錢-$50＝$1200）

呢個時候，你竟然見到傲雪。又會咁岩一齊補習？睇黎傲雪都好有心機讀書。因為今日唔駛返學，你都係第一次見佢著便服既樣，佢著恤衫、格仔裙，成個文青咁，而且索到爆，艷壓全場。

如果話傲雪好似公主，咁佢隔離個朋友就好似宮女，平平凡凡。

你記得佢係傲雪既同桌同學，好似叫澍娜。

但係呢個時候，有一個大隻佬入左黎，佢竟然直接坐係傲雪隔離！佢非常之大膽進取，不斷問長問短，仲想問傲雪攞聯絡方式。但係傲雪完全唔想理佢，傲雪同澍娜執野走，去課室另一邊坐。點知個大隻佬夠膽死跟住佢，傲雪坐邊，佢又坐邊！死纏爛打！

（呢個時候，你想仗義出手、拯救傲雪⋯⋯但係貿然出手既話，可能會演變成課室MMA。）

A-舉手叫傲雪佢地坐你隔離

B-冒認係傲雪男朋友，強出頭

C-咩都唔做，等睇戲，食花生

D-Call馬，出去課室搵教職員幫手阻止大隻佬

練咁多嘢，而家唔用等幾時

起碼上返10先

依家有幾多力量

7，唔夠大隻佬做

C/D穩陣啲喎

大隻仔撚有腦咩
智取啦

加速

出文未呀？

#046

呢個時候，你決定起身去霸一個三人座位，之後你再舉手叫傲雪佢地坐你隔離。

你：「傲雪，過黎坐丫？」

傲雪同澍娜望左你一眼，猶豫左一下，之後就坐左埋黎。

你同澍娜坐係傲雪隔離，封住左條路，唔俾大隻仔埋身。

點知大隻仔當住全班講：「傲雪小姐？你個名真係好好聽呀，好襯你個樣。我會記住你嫁，我叫呀Rock，請你都要記住我！」

你同呀Rock對視左一眼，雖然你知道自己唔夠佢打，但係Rock都知難而退，求其搵左個空位就座。

然後，傲雪竟然對你微笑，再講：「你係我地4C班既施進？」

你：「係史⋯⋯史進先岩呀。」

傲雪：「點都好啦，多謝你幫我解圍呀，不過你下次唔好咁大聲爆我個名。」

你：「咁⋯⋯咁我應該點稱呼你呀？」

傲雪：「K同學。」

你：「但係⋯⋯你好似姓陳架喎，K係咩意思呢？」

傲雪：「求其啦，《K同學》係my little airport既一首歌。」

你：「哦⋯⋯原來係咁，等我放學去聽下先。」

雖然傲雪平時好似好高傲冷漠，但事實上⋯⋯都唔算難相處。

*

（補完習，智力+1＝5）

（你仲話大隻仔可能會跟住佢地，所以打蛇隨棍上，送左傲雪同澍娜返屋企，佢地一樣都係住果茶嶺。）

（因為你既「救命之恩」，傲雪對你的好感度+8＝25，愛情度+2＝2）

（澍娜對你的好感度+2＝20，愛情度+1＝1）

#047

9月13日，星期二。

朝早返學，入課室既時候，傲雪竟然主動同你Say Hi，你開心左好耐。

（傲雪對你的好感度+1＝26，愛情度+1＝3）

今日又有PE堂。

（你同鏡華好積極咁鍛練，力量+1＝8）

（鏡華對你的好感度+2＝22，愛情度+1＝1）

放學，你決定做咩？

A-在校園流連（可能邂逅新/舊角色或觸發事件）

B-鍛練（加1力量）

C-補習（消耗$50，加1智力）

D-去商場購物

diu, live 左

樓主加油，好好睇

邊度好睇？其實我亂寫

但我又覺得好似玩緊心跳回憶咁
幾得意

鏡華有愛情度