好多人都知,2月果時有人發現恒X有個18萬Covid診斷賠償,俾人po上連登同HK01都報埋瘋傳後2月11號就即改terms cut-off埋之後買嘅,都只賠大約2,000左右。
咁我都成功幫家母係佢改terms前買到兼成功核保(收到確認短訊, 信件, E-banking都出埋保單生效中, 保費都扣埋)。
保障期佢白紙黑字寫明如果確診日期係”保單冷靜期完結日”(如果2月9/10買,就係3月14/15,亦同恒X保險確認份保單呢個日期)至”4月30”內確診就會一筆過賠償180,000。
咁最後,家母真係係保障期內咁唔好彩,懷疑中咗招去指定醫院做PCR,之後醫院打過嚟話佢係confirm case要留係屋企同埋醫院已經上報埋衛生署。衛生署隔離令過咗之後我就幫家母跟住核保checklist去醫院拎齊檢驗報告醫生信(寫得好清楚確診日期)提交上去核保部,後尾去啲分行問個情況大概要搞幾耐,果陣個職員仲話正常係20個工作天搞掂,呢排多申請就可能再耐小小。
而家就不停用唔同籍口拖延搞足2個月都未完,又話暫時無文件要補交,又無Reject,總之就係咁拖拖拖。又話要寄信佢醫院確認啲嘢之類,有心寄嚟寄去揼波鐘。之前打過1次上CS問,佢就錄音機式咁回覆啲廢話
除咗之前網上果個程總裁po真係收到錢個例子外,真係有朋友係1月果陣買落呢個保險(唔係尾班車呢批),submit至到收錢係2個星期内已經到帳…遞交嘅所需資料同家母嘅完全一樣。
恒X擺明因為柒咗出咗呢個條款吸客,又白紙黑字寫明哂無得唔賠,就有心用唔同籍口拖延時間賠償尾班車呢批,咁大間銀行都要同你鬥無賴 。
其實老實講,恒X搬龍門改terms加特長冷靜期都算數,講到尾雖然樣衰,但始終係佢哋嘅權利。但再咁樣有心dum波鐘,真係無賴中嘅無賴,咁樣搞法其實真係之後要買保單嘅,幫襯其他銀行都唔會幫襯你啦(本身啲plan都已經唔夠人靚)。如果真係中咗危疾,等到死埋都唔會賠到。