我黎緊畢業都28歲。
其實讀唔讀,唔係睇幾歲,係睇你點解想讀?
我中學未畢業就輟學,做過各行各業,真係睇唔到將來(大廚都係得2,3萬,但做到仆街又周街職業病).
讀返毅進都係諗住考政府工,點知讀完發覺自己幾鍾意讀書,純粹唔岩中學果隻模式,所以繼續讀上去,又俾我好彩上返三大,完左細個夢想。
但坦白講,讀完我都未必揾到食,但至少多左選擇。
身邊有人讀完大學,都係自己搞生意,開餐廳,甚至淨係炒股,為揾錢讀大學係無用(讀揾食科另計啦).
最緊要知自己想點,為咩讀。
我諗去到呢一刻我自己無後悔讀返書,人生無咩值得自豪,我諗我由毅進上返三大至少令我感到自豪。