一人一個香港人去旅行失禮嘅表現

有次去有馬浸完溫泉
搭巴士出番市區
果程車其實係12-13個人左右
其中一group香港人（目測60歲左右）男女共4-5人
一上車就嘈到落車
想訓番一覺都唔得
比人感覺係比錢去旅行大X曬果隻感覺
佢地坐曬前排
我地同其他人本身隔2行坐 後來頂唔順全部人坐番曬最後排

成班人行街好嘈
係條好靜既日本大街上大大聲同個朋友/團友講"係呢度呀"
成條街都聽到

除左日韓台星馬泰基本上都好少見到香港人

食野即場評價
"車 不外如是"
"xx 嗰檔好過佢啦"
"雲吞麵好食過"

香港人係由搭飛機個刻已經開始嘈

講嘢極大聲

去英國食老麥見到對母女飲咖啡攞左十幾包糖
啲垃圾貪小便宜性格

有次同女友去鳥取食米澤牛，
間餐廳價位算係中高級。

我地食食下有枱客經過我地張枱，
一家三口，香港人。
講廣東話，個老母好鬼嘈。
佢地一坐低就講我地叫d野好似好正，
唔識叫，跟當地人叫就最好

然後師傅親自出黎問佢地想叫乜，
佢就起身係咁指住我地，
然後話：follow them，steak，steak。


師傅即時閪晒面，
你咁樣指住其他客張枱真係好無禮貌，
跟住師傅同佢地落完order後，
就行過黎同我地道歉。
攪到我都好唔好意思，
用我極有限既日文幫果幾條死鏟向師傅表示抱歉

再post
係日本激安
聽住隔離個行大嗌：
買啦！屌你老母！咁撚平！買啦！屌你老母！

行過望下
就係個啲四十頭
一頭金毛既港男港女
好日唔出去旅行果啲
失禮到

去英國旅行Hyde Park 附近食早餐, 餐廳入面D人講野好細聲.
有一男一女帶個老母, 大大聲講野, 好似去大排檔咁
又手指指 "佢地係香港人呀..."

有乜問題？

笑左出聲

有次跟團去紐西蘭，去咭比人村度睇風景，當地導員講唔好企上d山崖邊度影相，咁做好危險，講完唔夠5秒就有個團友企左上去山崖邊度影相. 個導遊9衝過去叫佢快d落翻嚟.

唔知咁算唔算失禮.

當你見過韓國大媽去旅行既表現，你就知中國大媽同香港人係佢地面前不值一提

好似香港啲廢老
拎幾廿包牛油、紙巾、餐具、鹽/胡椒粉

試過喺越南買芒果（越南嘅嬸即叫即批即起肉）
班韓國女人連個芒果核都要埋

2019去咗次烏克蘭一個禮拜，無話香港人，亞洲人都係臨走個日先見到一個

係咪有陣圍村MK味？

基本上都離不開大聲, 貪小便宜, 冇守人地既禮儀啦
好多年前跟團去日本, 聽過有阿嬸團友, 又想試溫泉死都要著埋件泳衣落去