巴打你完全講出呢件事嘅癥結。
憑常人判斷都知個阿婆精神/情緒係異於常人啦,正常人亦都會知道同呢類人溝通係切忌不斷刺激佢哋,如果靠死纏可以同呢類人傾到計,咁仲邊有人讀精神科要精神病醫生嚟做咩?
姓利個主持講到自己咬實阿婆係正義行為替天行道,但咁做係咪真係幫到件事?! 你估阿婆發咗癲咁耐佢唔知自己神憎鬼厭?佢屋企人亦會唔知佢啲黐線行為?
東張如真心要幫啲鄰居,佢哋可以訪問個阿婆,但見佢開始失控時應該停止,佢哋可以邀請醫學界分析呢啲儲物癖嘅成因同治療方法,佢哋亦都應該追社署有無開file同食環有咩跟進,佢哋仲可以問埋法律意見附近鄰居可以做咩,東張而家係做咗幾多?
呢件事搞到咁大反彈,就係好多人難得死咬精神異常人士於事無補之餘,東張仲係想不斷剌激佢迫佢鏡頭前發癲谷收視!!