有冇巴絲自己一個人移民？

我係會唔敢報啲工，對自己英文同口才冇信心，見到要講電話、做reception、sell人嗰啲就淆底
然後敢報嗰啲工又被人reject

搵工同識朋友都可以好地獄
我真係明白好多時啲野唔係你話想做就可以做得到，好睇時機同運氣

我都係一個人無朋友無屋企人自己移民，真係會覺得好lonely，非專科搵工會搵到好挫敗，覺得係咪自己垃圾到連interview 嘅機會都無

但最後都要吞咗佢，繼續生活

加拿大大把工喎！上indeed大把，好多位長期唔夠人，而家又開始多人旅行，唔會無工做！

信心係自己比自己嘅，唔係個環境比嘅

咩都要自己面對，唔理係開心定唔開心都冇人喺身邊分享同分擔
語言隔閡、身處外地帶嚟嘅疏離感、身份認同危機
做唔到想做嘅工，被逼做唔想做嘅工
一諗到仲有起碼6年要被綁喺E度就覺得好漫長，又會問自己係咪做錯咗決定
日日無限自我質疑
ED唔係搵人幫手就解決到嘅嘢
如果係外向嘅人可能可以好快識到朋友好快適應，但內向撚好難搞
希望之後會慢慢變好啦

以加拿大為例，就係想你positive, communicative, confident! 最重要就係講得有信心，唔識唔緊要，同佢講你肯學肯問肯試！

樓上各位加油
我都唔係讀專科，3個月報左過百份工，見左十幾份，好多時當練習，因為其實好多唔係真係想做 而家等緊HR出offer

香港就見工有啲都會知有冇出offer 既chance, 但加拿大會唔會感覺到

明白個心情/心理會麻麻
加拿大呢邊有唔同組織，有心人搞活動，可以唔單止係教會，仲有NGO, 移民好耐嘅有心人…
參加多啲活動，就會識到人
好多運動、食飯、教會、遊戲嘅活動去識到人

朋友就好講大家岩唔岩，同埋想人地點咪點對人努力必定會識到更多人

利申：嚟左溫哥華4個月，呢到唔會完美，但肯定無香港咁趕、同大壓力

問得好，係難嘅. 因為佢地通常都講得好正面: Good, nice, great 唔會咁明顯dislike你

想攞offer就係睇清楚份工想請咩人，表現到你好符合. 見完當日send個thank email, 落選就問點解唔揀我
呢條片就係見工最好嘅參考，我都有學到佢點答
https://youtu.be/KCm6JVtoRdo

Lm

Ching加油💪🏻💪🏻
諗住去邊同搵咩工呀

英國文職機會多好多

真係？好驚搵唔到 可唔可以分享多啲

大家都好獨立
各自16、17歲離開香港屋企去左美國唔同州份讀書，然後自己申請移民。

同你一模一樣
係就係三文兩語 前提英文要Fluent

利申有In reception 同CS 有人直接問你有冇諗過改善下你D英文先 Ielts7唔夠用

以為自己打 內向真係好大問題

過多錢年都係窮撚，乜都冇只係生存

就會後侮啦

應該唔關內唔內向事，係睇你社交需求多唔多
我都係自己一個黎加拿大，除左返工日日就留喺屋企，都過得好開心

如果你覺得有問題其實唔係好內向

嚟咗成年覺得一個人好舒服
一句廣東話未講過亦無動機去群本地香港人
呢種應該無得夠

我speaking 6 翻緊labour工
堅持唔翻華人工同住華人區
黎左個拎月由唔識講到同鬼佬同事有講有笑

強制自己外向d 只要肯講catch-up 翻唔難
由其加拿大 好共融 大把黎左十年既移民英文仲差過你
始終香港人有底 語言黎講好快適應

所以雖然翻labour工冇前途 但起碼學到英文
無選擇都好極唔建議翻華人labour工
完全為pr曬時間