荃灣二手上車邊度好？（14）

追返之前啲post，應該揾到你想知嘅嘢

我諗唔會有人咁得閒反一個屋苑嘅（除咗喜洋洋）
反嘅應該都只係唔理性討論嘅人

業主實撐自己個間

其實荃灣則靚嘅樓仲有海天豪苑
認真同住萬景唔係差好遠
你如果接受到佢樓下全部都係街巿
我其實覺得可以考慮bor

唔係業主撐唔撐
咁人哋開口問到名逸唔通你又帶去工三咩
好似九唔搭八咁

發覺呢到冇人問朗逸峰

問過啦，你可以爬下舊post

你無車真係住唔掂
但山上空氣好又真係唔錯
不過預夜晚荃錦公路會有F1
同埋嗰邊多馬騮，同埋朝早出大河道迴旋處會塞車

條傻羊係專業人士嚟架

梗係撐自己嗰度啦
我就一向都係荃西打手

喺連登 佢話自己真身其實係林鄭都得啦

700買到麗城無海大單邊3房，有小朋友係好選擇，不過部份好近屯公。

其實兩邊我都睇過好多次，根據自己需要比分，邊區返工，近唔近自己老竇老母/外家。

上面啲師兄講嘅point 基本我都好同意，麗城係有生氣d，行入去好舒服。

交通方面我覺得兩邊都差唔多，麗城巴士小巴多，但海濱近西鐵，另外海濱行出去返港島東仲有架933，金鐘灣仔銅鑼灣有930x，對準巴士app時間落去好快。小巴去青衣同葵芳都好方便。

食嘢買嘢，海濱行去荃灣西站同荃灣廣場比較方便，街市來講近楊屋道街市，應該係荃灣區最好嘅街市。

我本來都係偏向麗城，但有一個位我好扣分，麗城二期得三部lift 仲要超慢單雙層，返工時間中層以下基本入唔到，低層就直接行樓梯仲快

加上我經常要去沙田第一城嗰邊，海濱行出去49x一程過，麗城得48x 耐啲仲要轉車。

多謝晒你分享先我睇過晒咁多留言，應該最後會揀無墳既兩房海濱，一黎唔洗轉𨋢，二黎行去西鐵嗰邊食野買野10分鐘我覺得都可以接受

麗城二期𨋢慢加轉𨋢唔係個個接受到，我最後都係無墳海濱，返工返港島東每日來回慳一個鐘，加上外家喺海灣可以成日痴餐，又可以幫手湊小朋友。

如果揀海濱 不如睇埋海灣
應該都係差唔多價錢？

所以白卡佬無誤

有外家照先係重點啊
最緊要你老婆都唔介意同你一齊買舊樓住就得啦

啱
有小朋友(尤其是有兩個) 的話，住近四大長老好重要
好難搵信得過既人照顧，淨係幫你接返學放學已經差好遠

其實好多人計漏左海濱有村巴
朝早去中環快過930X同西鐵

立坊樂仔都係呢D價 可能仲平雀仔少少
不過你要近雙鐵就真係...

嘩 新麗苑超級大喎
一梯兩伙 係個位置爭少少 不過好似都有連車位？

邊個位？

免費架，佢地係拍住戶証

1A/B 2A/B 都唔夠3A開揚？