女朋友對我冷淡 佢話我唔陪佢冇關心佢佢有病我冇陪佢睇醫生 佢覆診我都唔重視
咁你做咩咁唔緊張佢?
其實我有 我知佢唔開心我會買野俾佢會煮佢鐘意食既野
再做多啲喇
佢想要咩就盡量俾佢喇
我都因為咁樣衰過
所以依家對另一個都遷就佢諗法先
我都想做多d令佢開心，但就係總有自己已經做得夠多既諗法
或者自己本身就係好自私，以自己行先......
溝通下 你地有冇傾過大家把尺有咩唔同先
有呀，但成日溝通唔到，可能我同佢好多地方都好唔同，例如屋企環境,成長背景,價值觀等等......
由溝通變成互相指責
咁既話極危險
唉....
琴晚傾完佢話我唔陪佢食飯，而家已經補救緊
佢今日同朋友出完街佢諗住自己返屋企煮
我話陪佢食，但佢又唔想出街洗錢
叫佢黎我屋企食，佢又話唔想黎我屋企，而家我話我陪你出街食，我幫佢俾
你地一齊咗幾耐？
平時除咗呢樣嘢之外 其它嘢係咪都唔太夾
3年
變左習慣已經分唔清夾唔夾....
正路嚟講3年都咁 你地平時應該係少溝通齋死忍？
大家要坐低傾吓大家要嘅係咩嘢
我同我女友都係3年 一開頭嗰都會有你呢種情況出現
但之後大家好認真咁傾過諗過 大家唔係唔夠愛大家 只係性格上面問題 咁咪大家遷就，遷就嘅同時如果真係有啲嘢頂唔順 勉強自己得太緊要 又會拎出嚟再傾 傾到盡量雙贏為止
假設你同你女朋友都係真心愛對方 傾多幾次就會慢慢有好轉 最緊要係唔好收埋自己忍 會爆
