第一次入樹窿 係咪講野就有人聽？
我覺得自己好廢好無用 每日除左返工就無野識做
成27歲人仲係A0 想識女仔朋友又唔敢玩交友apps
好多生活細節都處理得唔好 我連垃圾都不如
咁正常成年人每日就係得返工
識女仔咪做下義工囉
自己搵下自己啲長處先啦，唔好一黎就話自己垃圾
我公司嗰班就真係垃圾喇
我見同我差唔多年紀既都開始結婚 拍拖既就有佢地既生活 好似我咁每日返工放工不斷loop既真係好怪
有時都同佢地搭唔到嘴
我成日都有個感覺就係做義工參加興趣班既目的其實係識女仔 好似唔係真心去做個樣活動咁
係咪我諗野太負面？
點解會唔敢玩交友app？怕俾人呃？
咁講真，唔好理去做義工同參加興趣班係為識女定真心去
可以幫到人，學到嘢，又識到人擴大圈子
又何樂而不為呢？
好多時都係唔夠膽踏出第一步，同埋我同女仔朋友WhatsApp有時都諗左好耐先識覆人 因為驚講錯野同唔識keep落去
同埋我覺得自己一個人好似樣樣野都做得唔好 做義工幫人都唔知會唔會叫人幫返我轉頭
就好似依家一個人日本獨遊緊，路又行左好多冤枉路先到，車又轉左好多站先到，公仔又夾唔到，仲有好多數唔晒
你未做過點知自己做唔到，而家唔係叫你踩鋼線，唔洗專業訓練，做義工咁簡單，有手有腳都識
識諗到先講都係一個優點，起碼唔會傷害到人
獨遊就係咁先好玩架啦，唔識咪問路人，日本人實會幫你
