【ViuTV】羅嘉駿導演作品《940920》×《二月廿九》討論 (256) 萬一盪失路，記得呢個暗號

作家聰嘅書, 寫爺爺帶楚凝入大澳果晚, 姑姐開門俾佢哋, 導致之後姑姐婚姻關係破裂

估佢係姑丈純粹靠估, 無咩根據

楚凝入去相舖偷相之前係有影到月圓
我覺得大家嘅問題只係偷完相返去神聖幾何個場境, 窗外啲光顯得好似日頭, 但如果仲係夜晚(e.g. 窗外光係其他燈光)應該就合理

真係又瞓唔著

神聖幾何成班都小癲
唔話俾家聰知都算，俾楚凝一個去搵個危險人物
其實呢季好多時好似都會咁
好多野變左突發性咁
無哂229成班人plan成班人train成班人做穿越完成班人檢討修正嘅feel
個能力test又唔到佢地參與，穿越前又唔使佢地plan，錯手衰左佢地都唔多補到鑊
搞到好似佢地無野係做到咁

成個神聖幾何得返楚凝都無所謂咁
反正佢做野前後都唔會問人意見
亦無人㩒得住佢
次次自己想就衝

姑丈都唔係唔得
但係細個楚凝同姑姐個關係
係咪疏離得好緊要
就要寫多少少了

朱康應該本身都係有病
佢老婆之前幾集都有D驚左佢咁款
麗英同佢好地地傾傾下就無啦啦俾佢爆一鑊又唔俾人解釋

咁麗英個角色都少少差差地嘅
做錯野仲要係搞到啲客嘅野sorry都無句

應該係因為個陣既神聖幾何成班人都好唔熟
甚至冇認真看待呢個會
所有野都是鬼但 又冇經驗
之後可能有經驗又或者楚凝既穿越改變左時空，令到229神聖幾何同會長pro咁多

我都知道係一個月之後呀. 我個問題係"穿越要月圓先可以" 呢個設定. 因每次都係晚上才能穿越, 但上集ceci入相時外面仲未天黑. 咁未月圓點解又穿越到? 定係其實佢無入到相純粹俾阿月扑暈帶走, 其他成員見成地燒毀的相又搵唔到ceci就以為佢困在相中世界.
當然可以講到當時已經接近日落時間, 月亮已經出o左只係未完全天黑. 所以都可以穿越咁我都吹唔漲.

不過都講明先, 我都會keep住睇, 始終明白有好多伏線同細節位, 只睇一次無可能咩都睇到晒. 目前我都係日日追, 只係昨晚睇完有呢個疑問啦.

我自己睇法係月圓->相舖偷相->返神聖幾何入相
呢3幕都係同一晚, 最後神聖幾何窗外光可能係接近日出, 或可能純粹街外燈光

同意，雖然FB 啲洗版還我Yeesa真係好煩，但上五集真係唔差，但而家開局用一集都唔夠嘅時間去屈死一個楚凝同整個殺人犯出嚟，真係寫得好咩。
作為觀眾我就覺得好似比人硬塞一個信息就係好啦，下篇楚凝要有一個劫，迷失左係穿越，我哋要有一個奸角令呢件事發生，然後搵個老闆出來白卡，楚凝要做一連串衝動野令自己中伏
你諗下229如果前面無乜鋪排，然後無lala 寫晨叔自己走去日本，然後屈到Yeesa 情緒失控一定要去北海道，你都難消化啦。

咁就怪怪地
229 果時會長同會員係pro d
但都係好似冇接觸過時空穿越咁
亦都睇唔出佢地有經驗去handle 時空穿越
只係try and error 咁去幫Yeesa

我仲係FF 緊229 同而家呢幾集講既2014年係兩個唔同時空
如果唔係就係229果時佢地全部冇哂楚凝既記憶
希望唔係bug

有啲似濁水漂流嘅feel

好似5月死 如果個碑個日期係新曆

其實覺得朱康果段都完全okay wo
一開頭cut一啲留懸疑，中間又解釋多啲，去到最後一段黑白就解埋佢癲，其實做得幾好添

楚凝個角色就一味死衝
上個禮拜阿爺死左，佢話唔test啦佢要救阿爺
我都覺得make sense同接受到
話哂阿爺死左，雖然test完能力做咩都易啲但唔會咁理性都正常嘅
但佢尋晚淨係知道阿月老婆撞車死就去搵人
佢對個老闆都無咩認識，人地激動拒絕完佢之後仲要chur佢叫佢俾個機會自己
仲要係約去自己屋企
仲直接喺佢面前入相
然後自己一個單拖去搵佢同魚蛋
見到魚蛋成身血灘喺地下唔call白車問阿月做左啲咩黎自己之前俾哂樣佢去搵魚蛋而家又俾條片佢話其實唔係佢做返去爆人格偷相紙再帶返去之前揚左嘅自己屋企度入相，又係獨行俠

搞唔掂

如果可以做到軒公7fu或者麗英咁應該會討好好多
喺套劇入面係有意思嘅無咁插入式廣告咁
我一開始見到試當真客串都有啲興奮
可惜太喧賓奪主，淨係見到佢三個玩膠唔知做咩咁

我諗好重要一點係神聖幾何係好依靠一個logical 同organised 嘅人去帶領，依個人响A & B時空都係余家聰（而C時空係巴西龜）

楚凝同巴西龜耶蘇關羽佢地都無呢個能力去將idea 變做一個plan, 所以楚凝無搵家聰幫手，成班人就係一盤散沙

楚凝有好多idea 好似成立神聖幾何，遺憾服務，亦好識得表達對神秘學嘅諗法，但諗how to execute就只係家聰，點樣用相機做實驗，點成立神聖幾何，神聖幾何要用錢去做資料搜集，以至點樣穿越去救秋叔都係由家聰去諗

所以楚凝嘅人設本身就無乜腦無乜planning粗枝大葉，同佢响大澳相對簡單嘅環境同狹窄嘅社交圈子成長都配合
佢單人匹馬做7事，可能先係正路，佢太用腦plan得太好反而可能唔make sense

係，唔知點解

《尾二一屆啪針拳擊比賽》

牙月牌手打魚蛋/爆槳魚蛋


林楚凝 計劃通