今年情人節同元宵只係差一日，咁特別嘅日子，要?另一半開心，當然要花點心思。今年關楚耀（Kelvin）似乎就成為最有話題性嘅一個，事關佢唔係送花，又唔係親自下廚整大餐呢啲普通野，而係最最最實際用「銀彈」，任女友鍾意買乜就買乜。
現年38歲嘅關楚耀跟年輕11年嘅空姐兼IG女神Joann Law拍拖5年，Joann不時喺社交網放閃，噚日（14 日）佢就喺IG限時動態上載一大叠「金牛」，目測估計有20萬，Joann興奮留言兼tag 男友：「任何玫瑰花都不及任你花隨便花！錫女朋友的男人會發達！諗住簡簡單單食餐飯，佢突然拎個（信封）出嚟〝情人節快樂”我以為佢寫咗一叠情信！Wish you all Happy Valentine’s Day.」咁豪爽，難怪會成為討論區熱話，網民出Post指「關楚耀情人節做埋啲咁嘅野........」，引來熱烈討論。
而Joann Law多年來被爆出不少黑歷史，曾被指整容、周身冒牌貨，又用層壓式推銷等，但Kelvin一直好支持女友，不時高調送Like，懶理旁人。