如果你真係覺得家用比例太多,令你好辛苦,試吓同屋企人商量吓,收收埋埋係解決唔到件事。
其實我啱啱出嚟做嘢都好似你咁諗,覺得比家用好阻自己發展,都有因為家用問題同父母嘈過,亦都好幾年無加過家用。
但後來做嘢人工開始有增長先識諗吓,父母開始無賺錢能力,要維持屋企開支唔多唔少就要靠份家用,唔係水、電煤差餉雜費買餸錢邊度嚟,再諗吓我細個無賺錢能力嘅時候,父母都無怨過半句照捱落去養大我,所以我而家比家用無再話覺得太多,反而覺得自己有啲廢,仲要阿媽為咗慳一個幾毫行勻成個街市格價,自己無能力比多啲家用等阿媽可以餐餐去超級市場輕鬆買餸。