凌晨,好人一生平安
續︰六十三。不如今晚同我瞓
「死衰人,打女人。」Cherry嬌哼完後,便賞他一巴掌,瞬間,他的臉上也如她的臀部一樣,印上了紅紅的五指。
為他印上紅印後,Cherry只輕輕說了句「要回去工作了」和「好好休息」,便起身揮手離開了醫療室。
阿朗也只好重新擁抱寧靜,但幸得Cherry的舌吻,此刻的情緒,卻稍稍平靜下來,沒有剛才那樣,波濤洶湧。
思穎那邊卻沒有醫療室那樣,寧靜安好,反而是嘈雜喧囂。班房內外,全是人頭。全因美女雲集如此,思穎、Cherry等等,吸引眾多雄性前來一睹芳容,加上是開放日最後一天的關係,人流更是密集。
Cherry回到班房後,立刻向思穎報告︰「我返嚟啦,好似冇晒我想要拎嘅嘢。」
「好呀,你去幫吓美雪手,佢係出面招呼緊排隊嘅客人」說罷,思穎不敢怠慢的安排外面的客人就座。
「嗯,冇問題吖 !」她有意無意的用手背擦了擦嘴唇,試圖擦掉一些什麼痕跡。
「你好呀,呢邊坐呀 ! 」思穎指向一旁的座位,為客人帶路,但當走過Cherry時,卻停了下來,向她手中塞了張紙巾,並道︰「唔好用手背抹嘴,污糟 ! 用紙巾啦。」
思穎送上心意後,便繼續為身旁的客人帶路︰「唔好意思,呢邊呢邊。」
Cherry雖覺暖心,心裡卻異常地難受。她一邊用紙巾擦嘴,一邊前往龍尾尋找美雪的身影。偶然間,眼角瞥見了不遠處的Miss Lee,靠近柵欄,雙指撿著卡片,憂心忡忡的,似找尋些什麼,又似逃避些什麼。
Cherry沒有多番理會,見美雪的背影站在龍尾處,舉牌控制人流,她立刻走了過去,從她身後問︰「美雪,我嚟幫你手喇 !」
但美雪沒有留意Cherry的到來,樣貌憂心忡忡的偷望著遠處的金田。
或許,春天是充滿憂愁善感的季節,她心想。
Cherry從後戳了她的臉頰一下,問︰「喂 ! 美雪 ! 仲咩望實金田佢 ? 唔通你 ……」
「唔係吖。」美雪淡然答道,又說︰「我懷疑佢有咗女朋友。」
Cherry先是沉默,待腦袋明瞭事情後,嘴巴呈O型的擺出驚訝表情。
「點解咁講 ? 」Cherry問。
「以前我哋成日都會一齊放學,但 …… 哈…… 但近排佢都會叫自己返去先。」美雪無奈地笑言。
Cherry撫頭安慰道︰「會唔會係你多疑咗咋,佢咁嘅樣都……」
「希望啦……」
Cherry雙手合十,故作溫柔的說道︰「悟空,你愛就要講啦。」
美雪沒有給予回應,見此,Cherry續道︰「做咩唔出聲啫?你望住我做咩啫?雖然你咁有誠意咁望住我,我係好高興,你都要講㗎 !」
「得喇得喇,唐三藏,你仲煩過羅家英吖。」美雪終被她逗笑
Cherry捉實她的雙手,問︰「煩 ? 咁你知唔知乜嘢係? 登登登登登登……」
「唔知呀,亦都唔想知呀 ! 」美雪一邊笑,一邊推開她。
縱使被美雪推開,Cherry亦堅持唱下去︰「就係,Only you, can take me ……」
美雪繼續欲拒還迎的,邊笑邊推開她︰「你好煩吖 ! 平時你都唔係咁嘅,冷酷暴力嘅宋語喬去咗邊吖 ? 」
如是者,兩人就在龍尾打鬧起來。
好不容易,他們才趕在開放日結束前,招待完外面的所有客人。
當送走最後一位客人後,思穎向連日來盡心幫手的眾人,鞠躬道謝,並宣佈女僕cafe店的營業完滿結束。
「各位辛苦晒喇,大家呢幾日都做得好好,真係好多謝大家,冇你哋嘅努力,今次個cafe係唔會好成功嘅,所以再一次感謝大家。」思穎鞠躬說道。
「好Yeah ! 慶功宴 ! 慶功宴 ! 慶功宴 !」金田雙手舉高,大聲喊道。
「係喇 ! 係喇 ! 你好大聲吖,知唔知醜㗎。」美雪用力扯起他的耳朵。
金田瞬間面容扭曲起來︰「得得得,我都有落力㗎嘛。」
美雪更用力地扯下去︰「落力 ? 成日借啲意走出去,次次出親去都半個鐘起跳,都唔知你搞咩。」
「咁……」金田語塞了,卻無意中笑意淫淫起來。
「仲笑 ? 你去死啦。」美雪用力拍打了他的背脊一下。
金田痛苦得俯身說道︰「你係咪學晒Cherry啲衰嘢,暴力咗咁多嘅。」
Cherry聽此,便一腳伸了過去,用力踢了他的小腿一下︰「你真係去一去死先。」
「呃……… 痛死我喇 ………」
Cherry把握機會,向眾人說︰「仲有,我屋企有啲事,慶功宴我嚟唔到。」
此話一出,場面瞬間變得寧靜。
未完待續…