https://youtu.be/YF2FhOxI5To
其實一search已經有好多說書summary kol講佢
佢令人腦洞大開嘅位有好多，
其中一個令我好多野諗，就係人類啱啱發生認知革命(基因突變，變到超級聰明)，成為智人嘅時候同之後發生嘅事
當中，智人由非洲慢慢遷徙到歐洲、中亞，甚至西伯利亞、北美同澳洲等，有超多生物種類地方嘅時候，都因為智人突然變得超級聰明而生靈塗炭。
因為人類突然識用火、用簡單捕獵工具，令到智人由本來食物鏈中低階層，一躍成為食物鏈頂層。自始就生靈塗炭。當時嘅人無咁多左膠同環保撚，好多稀有動物都因為好多唔同原因(例如太易被捕獵、澳洲動物對人類未有警覺性、人類用火大大增加捕獵成功率…)，主要係人為因素，而絕種。
之後，到咗農業革命時代，人類喺美索不達米亞平原，最早馴化動植物，發展農業，為嘅只係不斷繁殖，因為喺生物學上嘅成功，就係能夠製造最多嘅基因複製品，而唔係生活得舒適。所以點解今日人類喺城市化嘅社會會有比舊封建社會多心理問題。
而農業嘅發展，定調咗人類為咗生存同繁衍，而去改變環境去適應人類
呢句就係我想講嘅野。
野生生物，係改變自己嘅基因去適應環境，但人類由農業革命開始就係改變環境要環境去適應人類發展。例如上面講到嘅馴化動植物、開墾耕地，將本身唔適合種植嘅土地變得適合耕種，遠少少、建立城市，將不能馴化而對人類有危險嘅動物暇趕出城外、發明石矢做房屋、冷氣，等改變環境、天氣，去適應人類發展、工業化農業，例如不人道方式量產牛奶、雞蛋等。
所以今日嘅環保可以話係無謂到極點嘅命題，人類發展，由有智慧開始已經破壞緊自然同改變緊自然。
你一係話人類根本係自然嘅一部分，做乜都係自然，包括以上各種。
一係話人類做乜都唔自然，都係破壞自然規律，例如餵任何動物(破壞生態平衡)…
所以環保，一個標榜人為地保護自然係邏輯上嘅錯誤，輕鬆，多謝大家
